3372/2024-2025 

Dated Serchhip, the 5^th December, 2024: Vawiin khan Serchhip P&E Veng YMA hall-ah District Hub for Empowerment of Women (DHEW) Serchhip huaihawtin 16 Days Campaign on Elimination of Gender Based Violence kharna hun hman a ni.  

He hun hi Pu James Lalremliana, DPO in-charge in kaihruaiin, Pi VL. Remruatpuii, Gender Specialist in Gender Based Violence chungchang a sawifiah a. Hmeichhiate chunga hleilenna thleng thin chu vawilehkhata tihbo mai theih nilo mahse thawktu hrang hrang ten theihtawp chhuaha mahni zawn theuhah hma kan lak a,  midang te hnen a hmeichhiate venhimna dan awm te hrilhhria a, hleilenna tuar thin te pawhin an auchhuahpui ngam a, an mamawhna zawn a puitu tur kan awm a ni tih an lo hriat chuan kan hnathawh ten mi tam tak nunah danglamna ropui tak a thlen thei dawn a ni, a ti. 

Pi Angela Vanlalruati, Case Worker in hmeichhia te hleilenna tawrh thin hrang hrangte sawi zauvin, hmeichhia hleilenna tuar te tana tlukluhna tur leh an belh turin One Stop Centre (OSC) engtiklai pawh a pan theih leh biak pawh theihin a awm reng a ni tih a sawi a. He OSC ah hian ni 5 leh zan 5 thleng awm theiin an awm chhungin an mamawh hrang hrang, medical assistance, judicial assistance leh an himna tur ngaihtuah a, buaipui thin a ni.  

He hunah hian Gender Based Violence Campaign Poster siam intihsiak lawmman sem bawk a ni. Pi Lalrinngheti, Resident Superintendent chuan Shakti Sadan hnathawh hrang hrang inhrilhhriatna hun a hmang a. Pu K. Lalrintluanga, DEO chuan lawmthu sawiin programme a khar a ni.