4397/2024-2025

Aizawl dated 23rd February 2025: Vawiin chawhnu khan Pu Arvind Panagariya, Chairman hovin member 4 telna 16th Finance Commission leh Official dangte chuan Aizawl an lo thleng a. Dr. Vanlalthlana, I&PR Minister, Pu TBC Lalvenchhunga, Adviser to Chief Minister, Pu Khilli Ram Meena, Chief Secretary, Public Works Department, Disaster Management & Rehabilitation Department leh Geology & Mining Department hotuten an lo dawngsawng a. Hunthar lei tla hniam chu a hmun ah endikin ruahmannate an sawiho a ni.

He hun ah hian Disaster Management & Rehabilitation Department-a thawktute leh Public Works Department hotute chuan kum 1990 atanga 2024 chhung a helai hmun a leilung chet dan leh inkalpawhna kawng a harsatna hrang hrang a thlen thin dan te tarlangin lei tawlh hniam zel tur ven nana hmalakna thenkhat kalpui a nih dan te an sawi a. Mizoram khawpui Aizawl luhchhuahna kawng pawimawh tak a nih avangin leh helai hmun a chengte tan harsatna lian zawk a thlen loh nan ruahmanna an duan te chu an hrilhfiah bawk a ni. He hun a tarlan danin Hunthar lei tla hniam nghawng zau zawng hi 24.3 Hectare a ni.