4396/2024-2025
22.2.25(Inrinni) : Vawiin zing dar 9:30 khan Mizoram a Watershed Yatra campaign BDO Office, Darlawn tualzawla neih chu Pu Lalduhoma, Chief Minister chuan hmanpuiin Campaign bultanna a hawng.
Thu a sawinaah Chief Minister chuan, PMKSY hmalaknain a tum ber chu tui leh leilung luangral venhim leh humhalh a ni a. Mitin nghawng phak, mitinin mawhphurhna kan neih vekna a ni, a ti.
He hun hi Pu N. Lalzarzova BDO, Darlawn RD Block in a kaihruai a ni.
Watershed Yatra Campaign-in a tum ber chu PMKSY Project thil tum - rambua siam that leh tuihna humhalh leh tuai thar tulzia zau zawka mipuite zirtirna a ni a. PMKSY project kalpuina hmun khaw hrang hrang ah Watershed Yatra hi hman chhunzawm tur a ni.
Chief Minister hi Pu Vanlalhlana, PWD Minister, Pu Lalthansanga, EF & CC Minister, Pu B Lalchhanzova, Supply Minister, Dy Speaker Pu Lalfamkima leh MLA & Adviser to CM Pu Lalmuanpuia Punte ten an ṭawiawm a. PMKSY beneficiaries te bakah Darlawn khaw chhunga sawrkar office leh zirna ina thawktute an tel a ni.
