No.6883/2020-2021

District Hospital Mamit-a khum 100 awmna tur Building 17.93 senga sak tur chu vawiin khan Dr. R. Lalthangliana, Hon'ble Minister, H&FW chuan lungphum a phum.

District Hospital Mamit tana khum 100 awm tura ruahmanah hian Power Finance Corporation Ltd. CSR atangin 17.93 Crore, PFC atangin 70% (12.55) Crore ruahman a ni a. A bak senso zawng chu State Government-in a tum ve thung dawn a ni.

Khuallian Dr. R.Lalthangliana chuan Health Deparment officials te a lian ber atanga a te ber thlenga kan thawhho that avangin Health Department chuan hmasawnna duhawm tak kan hmu thei zel a ni tiin Power Finance Corporation Ltd CSR fund hmanga khum 100 awmna tur Mamit District Hospital Building sakna tur kan nei theih chhan pawh hi kan Health Secretary hmalakna vang a ni a ti. Mamit Hospital-in a mawmawh em em hnimhlum doctor pawh dah a nih dawn thu a sawi a, Mamit District Hospital-a Doctor indaihlohna phuhruk turin Mamit mi, MBBS zirchhuak lo zawng turin a ti bawk.

Pu Thangtea chuan hun reilote chhung Aspirational District term la awm chu hmang tangkaiin India ram pumah a titha pahnihna an nih chu chhawm nunga a aia tha zawk pakhatna ni thei ngei tura theihtawp chhuaha tan la turin thuneitute a ngen bawk a ni.

Khualzahawm Er. H. Lalzirliana pawhin thusawiin Aspirational District rilru kan put thin chu paih bo a,  hmasawnna leh changkanna midang tih theih chu Mamit mipuite pawhin kan ti ve vek thei a ni tiin kalkhawmte a fuih a. Kan chan phaklo tura kan ngaih thin tam tak tunah  kan han nei thei chu lawmawm tak zet a.  Hmasawnna ruhrel  min siamsaktu Mizoram sorkar chungah lawmthu a sawi. 

Vawiin foundation stone Laying programme-ah hian Dr. Lalrozama IAS DC Mamit leh Pu H.B. Lianmunga, Member H&FW Board, Pu H. Rodingluaia, Chairman, Jt V/C, Mamit te'n thusawina hun an nei bawk a ni.

Foundation Stone Laying Ceremony hi Pu H. Lalengmawia, Secretary H&FW chuan kaihruaiin Pu Lalkima, Sr EE, H&FW chuan technical report a pe a, Dr. F. Lallianhlira, Principal Director, H&FW chuan lawmthusawina a nei bawk.

Mamit District Hospital khum 100 awm theihna sak turah hian Main Building atan Rs 16.93 crore hman a ni dawn a, 1 crore hi  hmanraw lei nana hman a ni ang. Building sak hna hi Zamzo Engineering, Construction & Consultancy te an ni dawn a, Thla 24 chhunga sak zawh hman tura ruahman a ni.