No.6884/2020-2021 

Vawiin chawhnu khan Raj Bhavan-ah  Major General Ranjit Singh, VSM, Inspector General, Assam Rifles(East) chuan Governor P.S Sreedharan Pillai a kawm.

Governor leh Assam Rifes IG te inkawmnah hian Mizoram mipui leh a bikin thingtlang lamah te khawtual mite hmasawnna atan Assam Rifles in hna tha tak an thawk tih a hriat thu leh lawmawm a tih thu Governor P.S.Sreedharan Pillai chuan a sawi a. Assam Rifles te chu 'Tlangmite Thian' an nih anga hna tha thawk chhunzawm turin a sawm a ni. Major General  Ranjit Singh chuan Assam Rifles ten an awmna hmunah te a theih anga khawtual mite tan theihtawp an chhuah thu te leh ram venhim hna pawh tha taka an thawh thu a sawi a. An hnathawh te Governor in a lo hriatpui avanga lawm awm a tih thu a sawi a. Kawng tha zawk leh inbiakpawhna tha zawk te Mizoram hmun kilkhawr zawkah chuan siam a ngai nia a hriat thu te a sawi a. Thingtlangmite eizawnna lo neih leh huan siam kawnga thil tul nia a hmuh te pawh Governor hi a hrilh a. Heng bakah hian ram venhimna chungchang leh thil pawimawh dang te an sawi dun a ni.