No.3648/2020-2021

Siaha, July ni 31 : Vawiin chhun dar 12:00(Noon) khan DC's Conference Room-ah 18-Siaha North-I bial By-Election lo awm tur a tan a buatsaih Final Electoral Roll chu Pu.Bhupesh Chaudhary IAS, District Election Officer leh District Bawrhsap ni bawk chuan a tlangzarh a. Political party hrang hrang aiawh te hnenah Final E/Roll Soft & Hard copy khat(1) theuh a hlan nghal bawk a ni.

DEO Pu Bhupesh chuan Free&Fair Election hi E/Roll thianghlim leh felfai atanga intan a ni a. Final E/Roll felfai leh thianghlim tak tlangzarh theih tura rim tak leh thahnem ngai taka thawktu Official te, tlawmngai pawl hrang hrang te leh Political Party aiawhte hnenah lawmthu ka sawi tak zet a ni, a ti.

18-Siaha North-I bial hi a bialtu MDC Pu Ng.Silla(L) boral tak avangin inthlanna hi buatsaih leh tur a ni a. He MDC bial hian College vaih -I leh New Colony-III te a huam a ni.He Final E/Roll hian tarik ni 1.1.2020 hi qualifying date a hmangin leh MADC ( Constitution, Conduct of Business,etc) Rules,2002 as amended in 2011, tlawhchhana buatsaih a ni. Vawiin Final E/Roll tlangzarh takah hian 535 chhungkua awmin; mipa Vote neih 716 leh Hmeichhe Vote neih 911 an awm a, an vaiin Voter 1627 an awm mek a ni.

Form SR-2 leh Form SR-3 hmanga Claims &Objections (voter dah belh leh paih) chipchiar leh uluk taka chinfel a ni hnuah; Final E/Roll chu Draft E/Roll aiin Voter 14 in a tlem zawk ta a ni.