Ni 1-2 February, 2013 chhungin Jharkhand khawpui Ranchi-a Hotel Radisson Blu-ah 18th All India Conference of State Election Commissioners neih a ni dawn a. He Conference hi Ramakanth Reddy, State Election Commissioner Andhra Pradesh leh Chairman, Standing Committee-in a kaihruai ang a, Syed Ahmed Jharkhand Governor chu Chief Guest niin Conference hi a hawng a ni. He Conference-ah hian V.S. Sampath, Chief Election Commissioner of India pawh a tel ve a, Inaugural session ah thusawiin voter education leh Model Code of Conduct chungchanga Election Commission of India (ECI) agenda sawizauna a nei a. Pu C. Ropianga State Election Commissioner, Mizoram pawh he Conference ah telin Constitutional amendment chungchanga State Election Commission, Mizoram agenda sawizauna a nei ang.

State Election Commissioners 21 leh Panchayat Raj Ministry, Law Ministry leh Urban Development Ministry atanga senior official engemawzat telna tur he Conference-ah hian State Election Commission-te tih chak nana Sorkar laipuiin Task Force Recommendation, 2011 din a rawtna hrang hrangte State Sawrkar ten an bawhzui dan thlirho a ni ang. Task Force Recommendation hi Mizoram bikah chuan tihhlawhtlin a la ni lova, hemi avang hian sawrkar ngaihtuah atan State Election Commission in Draft Bill a siam peih tawh a, reilo te ah Sawrkar-ah thehluh a ni ang.

Hemi bakah hian Regional Consultation on Electoral; Reforms leh Election Commission of India nena Electoral Roll Database inhmantawm chungchang, Model Code of Conduct kalpui dan leh voter-te zirtirna chungchanga Election Commission of India hmalak dan hrang hrang te sawiho a ni.