2425/2022-2023
Aizawl, the 25th October 2022: School Education Department buatsaih 19th Mizoram Higher Secondary School Games 2022 chu vawiin ni 25.10.2022 khan Aizawl khawpui chhung hmun hrang hrangah tan a ni ta a. 19th Higher Secondary School Games-ah hian infiamna sports discipline hrang hrang 4- Athletics, Football, Volleyball leh Badminton-ahte intihsiakna neih a ni ang.

Aizawl pawn atangin Higher Secondary School 12 leh khawpui chhung Higher Secondary School 14 atangin zirlai 811 leh Lecturer 146 an tel a ni.

Football hi 3rd Bn.MAP Ground leh Republic Field-ahte khelh a ni ang a, Athletics chu Rajiv Gandhi Stadium-ah neih a ni ang a, Volleyball Mipa & Hmeichhia chu ITI Volleyball Court leh Tuikual North Indoor Stadium-ah khelh tur niin, Badminton Mipa leh Hmeichhia chu Bawngkawn YMA Hall-ah khelh a ni ang.

19th Higher Secondary School Games hi October ni 28, 2022(Zirtawpni) khian zawh fel tura beisei niin, Kharna Inkhawm hi Aizawl Vanapa Hall-ah chhun dar 12:00 ah neih a ni dawn a ni.