J.J. Personality Training & Placement Center, Tuichhunchhuah, Tuikual atanga training chhuak ten Convocation 2014 an neih chu Pu T. Sangkunga, Chairman, Mizoram Youth Commission in a hmanpui.

Khuallian Pu T. Sangkunga chuan RIPANS atanga B.Sc., MLT zir chhuak ten India, Singapore leh Dubai lam thlenga hna an zawnna leh an thawh hnu pawh a an tana tangkai tur a training chhuak te hnenah zirna lamah Mizote kan thang chho zel a, state chhungah ringawt chuan hna hmuh a harsa tawh in inzar pharh a ngai a ni tiin. Thalaite hma khua atan, an thiamna te hmanga eizawnna tha an neih theihna tur a Mizoram sorkarin Youth Commission a din dan leh hemi atanga hlawhtlinna an lo neih dan a sawi a. Mizoram Chief Minister in hei hi a ngaih pawimawh avangin sum tam tak sen a lo ni tawh a chumi rah chhuah chu thalai sang chuang State pawnah ei zawng tura an thawn chhuah dan leh kawng an sah dan te a sawi a. Ram dang a awm an nih dawn avangin fimkhur tur leh tuarchhel turin zirlaite chu a chah in sap thufing’ Look before you leap’ tih chu vawng tlat turin a ngen bawk.Zir chhuakte hnenah hian khuallian hian certificate a hlan nghal a ni.

Khual zahawm Dr. Lalsanglura Ralte MBBS, MD (Path), Ph.D RIPANS pawh in thu sawiin RIPANS atanga zirlaite zir dan leh an hlawhtlinna te a sawi bawk a, tunah hian changtlung zawk in, North East State tena Medical Laboratory Technology ah PG Course siam tura an hma lak dan a sawi bawk.

Pu Jeffrey R. Lalramdina, Chairman, JJ Personality neitu in vawiin programme hi a kaihruaiin tun lai ah hna a van tawh avanga thalai hna zawngte training nana din an nih thu leh Dubai leh Singapore lam thleng hawi a, smart leh fel tak tak an thawh theih nana an inzirtir dan a sawi .

JJ Personality hi North East thalaite, a bikin Mizo thalaite international competency an neih theihna atan a din a ni. Kum 2012 khan a function tan. Personality Development skills chi hrang hrang leh Employability Skills te zirtir thin a ni a. Certificate course leh Diploma course te zirtir a ni a, tun atanga rei vak lovah degree course zirna college siam theih beisei a ni. Heng bakah hian IELTS (International English Testing System) coaching an pe bawk a ni. Singapore, Dubai leh Australia-ahte thawhpui neiin, hengah hian placement an ti thei a.Zirtirna hmanrua changkang ber ber hmangin thalaite an zirtir thin a. Skype instructors te ruaiin, USA, Brazil, Philippines atang te in Zirtirna an pe bawk thin a ni.

Pu Sachin Birewar, Dubai a awm, helam kawnga an thawhpui mi hlawhtling tak chu Skype presentation hmangin he programme hman lai mek hian biak a niin fuihna thu tha tak tak a rawn sawi.