Vawiin chawhnu khan Lunglei District Boxing Association  leh  Education Department, Lunglei  District tangkawp chuan a vawi khat na a tan High School leh Higher Secondary School naupang te tan Boxing Tournament 24th April 2018 - 27th April 2018 chhung hian SAI Extention Centre, Electricveng, Lunglei ah an buatsaih a. Pu Benjamin Lalzama, Adll, Deputy Commissioner, Lunglei chuan Khuallian ni in he hun hi a hawng.

Hawnna Inkhhawm hi Pu KT.Nghawra, President, Lunglei District Boxing Association in kaihruai in Khuallian Pu Benjamin Lalzama chuan  thu sawi in tunlai in thalai  te zing ah sualna a tam a, hetiang a zirlai te tan a infiamna thianghlim Lunglei District Boxing Association leh Education Department, Lunglei District tangkawp in an buatsaih  chu lawmawm a ti a. Kawng engkim a hlawhtling tur chuan kawng tawi (short cut)  a awm lova; zirna ah leh infiamna ah inbuatsaihna leh mahni in  thununna neih a ngaih thu a sawi a, inpuahchah leh insumthei apiang an hlawhthling thin a ni a ti. Tumruhna leh taihmakna nen a lehkha zir theuh turin zirlai te a chah bawk  a ni. 

1st Lunglei District High School leh Higher Secondary School Boxing Championship 2018 ah hian School 15 atangin Boxer 73, Mipa 52 leh Hmeichhia 21 an tel a ni.