Association for Environmental Preservation (ASEP) hmalakna-in ASEP Vice-President Pu H.C.Thawnga buatsaih 1st Solo Wildlife Cartoon Exhibition 2009 chu vanapa Hall-ah vawiin khan tan a ni a, Chief Secretary Pu Vanhela Pachuau, IAS chuan Exhibition a hawng. He Exhibiton hi ni 3 chhung (16-19 Dec 2009) chhung a awh dawn a, cartoon 140 vel phochhuah a ni.

 

 

Khuallian Pu Vanhela pachuah chuan ASEP-in nungcha humhalh pawimawhzia mipuite zirtir tura hmalakna hrang hrang a neih thin chu a lawmawm a ni, a ti a. Darh zau lehzual tura hmalakpui zel a tum thu leh ram tan rah tha a chhuah ngei a beisei thu a sawi bawk. He Wildlife Cartoon hi a vawi khatna a nih avangin Mizoram tan chuan nungcha humhalh kawnga hmasawnna thar ropui tak a ni, a ti.

Hawnna inkhawm ASEP President Pu K.Lalmuansanga kaihhruaiah hian Cartoon Exhibition buatsaihtu Pu H.C.Thawnga chuan nungchaten mihring tawngin thu an sawi thei lova, an manganna leh an dinhmun chep takzia chu mihringte beng hriata an puan chhuah ve theih nan Cartoon hmanga puanchhuah sak a tul avangin he Exhibition hi buatsaih a nih thu a sawi a, nasa zawka kalpui chhoh zel an tum thu a sawi bawk.