Mizoram State AIDS Control Society leh UNODC bultumin I &PR Auditorium ah Mizoram a kohhran hrang hrang hruaituten HIV leh Drugs in kan ram min run mek na ah hriattur pawimawh tak tak te inhrilhhriatna leh hmalakdan tur sawihona hun hman a ni.
He inkhawm kaihruaitu Mizoram Chief Secretary Pu. Vanhela Pachuau chuan Kohhran hruiatuten he hun ngai pawimawh a, HIV leh Drugs dona kawnga ke an pen na ah lawmawm tiin kalkhawm te chibai a buk a. Health Minister Pu. Lalrinliana Sailo Khuallian chuan Health Department kalphung pangngai chu a kal reng tho rualin Cancer leh HIV bikah tih tak zeta a theihdan kawng hrang hrang a hmala tura a in tiam thu sawiin chumi kawngah chuan Kohhran hruaitu zawng zawngte tawiawmna leh tanpuina a ngai hle dawn a ni a ti. South East Asia UNODC hotutnu Cristine Albertine chuan “Mizoram in tihtak zetin HIV leh Drugs dona kawngah hna a thawk a ni tih ka hmuh hian ka lawm takzet a ni” tiin, Mizoram hmalakna ah chuan a theihtawp chhuahpui zel a tum tlat thu a sawi a, sorkar kuta nghat mai lova mitin ten kan mawhphuruhna a ni tih hria a hmani zawn theuh a ke kan pen a tul tawh a ni a ti bawk. UNODC Coordinator Kunal Kishore pawhin Mizo mipuite chu hemi lam kawnga hnathawhpui nuam a tih thu tarlangin thiehtawp a hmalak anih ngat chuan Khawvel hmun dangte entawn theih turin Mizoram hi dinhmun sang takah a in hlangkai thei a ni a ti. NACO lam atangin Northeast bialtu Rosenara chuan Northeast state dang, state thenawm ten HIV leh drugs chungchang ah nasa taka harhin hlawhtling takin hma an la a, natna leh sualna te hian kan ram ah bu a khuar tawh a huaisen taka kan hmachhawn a hun a ni tih rilru pu a, tha thar a ke kan pen a pawimawh a ni a ti. MSACS Project Director Dr. Eric Zomawia chuan biakin thleng phalo te leh naupang rilru leh taksa la thianghlim, nakin lawka kan ram dinhmun chelhtu turte enkawl a pawimawh thu sawiin Mizoram HIV/AIDS dinhmun a tarlang bawk.
Kohhran hrang hrang hruaitute chuan mahni kohhran theuh a hman an lak dan te sawiin kalzel dantur sawi hna hun an hmang bawk a. HIV leh Drugs dona atana Project hrang hrang MSM (Men having sex with Men) mahni anpui mutpui thin te, FSW (Female Sex worker) hmeichhia mahni taksa zuar te, IDU (Injecting Drugs User) Drugs a inchui thin te leh Migrants Ram dang atanga rawn pem lut te tan a thawktuten Mizoram dinhmun tarlangin hmalak ngaihna lai te sawiin sawihona hun hman a nih bakah HIV positive ten an dinhmun tarlangin thusawina hun an hmang bawk.
He hun ah hian Mizoram a kohhran hrang hrang hruaitu mi 50 vel kalkhawm te chuan mahni kohhran theuh ah HIV leh Drugs dona atana hmala turin thu an thlung a, HIV darh zel tur venna tur te leh a vei tawhte enkawlna kawngah tha thar a ke pen a theihtawp chhuah an tum theuh thu an sawi.
Kohhran hrang hrang hruaitute chuan mahni kohhran theuh a hman an lak dan te sawiin kalzel dantur sawi hna hun an hmang bawk a. HIV leh Drugs dona atana Project hrang hrang MSM (Men having sex with Men) mahni anpui mutpui thin te, FSW (Female Sex worker) hmeichhia mahni taksa zuar te, IDU (Injecting Drugs User) Drugs a inchui thin te leh Migrants Ram dang atanga rawn pem lut te tan a thawktuten Mizoram dinhmun tarlangin hmalak ngaihna lai te sawiin sawihona hun hman a nih bakah HIV positive ten an dinhmun tarlangin thusawina hun an hmang bawk.
He hun ah hian Mizoram a kohhran hrang hrang hruaitu mi 50 vel kalkhawm te chuan mahni kohhran theuh ah HIV leh Drugs dona atana hmala turin thu an thlung a, HIV darh zel tur venna tur te leh a vei tawhte enkawlna kawngah tha thar a ke pen a theihtawp chhuah an tum theuh thu an sawi.
