Tukin zingah khan Larsap Lt.Governor (Rtd) M.M.Lakhera, PVSM,VSM hoin Aizawl Treasury Square a War Memorial ah Indo hnehna ni Vijay Diwas lawmna ropui takin an hmang a. Hemi rual hian ram leh hnam chhan nana Sipai huaisen nunna hlan ta te hriatrengna leh sunna hun an hmang bawk.
War Memorial hmun a Larsap a thlen veleh Sipai huaisen ramchhana nun chante sunna ngawirenga dingin Minute khat hun urhsun takin an hmanga; hriatrengna lungphunah pangpar leh zahna chibai a hlan nghal a. Hemi zawh hian Chief Minister Pu Lal Thanhawla, Home Minister Pu R.Lalzirliana, Chief Secretary Pu Vanhela Pachuau, IGP Pu Lalrokhuma Pachuau, Capt. (Rted) Hmingdailova Khiangte MLA, Lt.Col.(Rtd) L.S,Zuala MLA te bakah Sipai Officer Pension leh tanglai engemaw zatin pangpar hlanin zahna chibai an buk a ni.
He Indo hnehna ni Vijay Diwas tia koh tak hi kum 1971 a India Sipai ten Pakistan Sipaite an hnehna hriatrengna leh hnehna lawmna ni atan December ni 16, a kum tina an hman thin a ni a. India ram hmun tinah urhsun leh ropui takin an lawm thin a ni. Hei bakah hian Indian Armed Forces ten Pakistan Sipaite Kargil War a an hnehna lawmna pawh Kargil Vijay Diwas tia vuahin July ni 26,2000 kum khan a vawikhatna a tan ropui leh urhsun taka lawm a ni a. Amaherawh chu heng hnehna ni hrang hrangte hi khaikhawmin December ni 16 ah hian Vijay Diwas tiin kumtinin rampumah lawmna ni hi hman a ni ta a ni.
He hunah hian Sipai bang leh NCC engemaw zat an kal khawm a; Sub.Major (Rtd) Rev Darkhuman Pathian thu Thupuan 21:3 chhiarin Tawngtaiin hun a khar a ni.
He Indo hnehna ni Vijay Diwas tia koh tak hi kum 1971 a India Sipai ten Pakistan Sipaite an hnehna hriatrengna leh hnehna lawmna ni atan December ni 16, a kum tina an hman thin a ni a. India ram hmun tinah urhsun leh ropui takin an lawm thin a ni. Hei bakah hian Indian Armed Forces ten Pakistan Sipaite Kargil War a an hnehna lawmna pawh Kargil Vijay Diwas tia vuahin July ni 26,2000 kum khan a vawikhatna a tan ropui leh urhsun taka lawm a ni a. Amaherawh chu heng hnehna ni hrang hrangte hi khaikhawmin December ni 16 ah hian Vijay Diwas tiin kumtinin rampumah lawmna ni hi hman a ni ta a ni.
He hunah hian Sipai bang leh NCC engemaw zat an kal khawm a; Sub.Major (Rtd) Rev Darkhuman Pathian thu Thupuan 21:3 chhiarin Tawngtaiin hun a khar a ni.
