Vawiin Dec 15, 2009 a FMGE&W kohhawma Sorkar hnathawk Association Hruaitu rual mi 200 zet kalkhawmte chuan tuna Mizoram Sorkarin Sixth Pay Pekna tura Fitment Committee report Sorkarin a pawm hi tha a ti lova; Sorkar Laipuiin kum 10 dana a hnathawkte hlawh a tihsansak thinah hian hlawh lak pangngai aia hniam inpek tum hi Fundamental Rules kalh tlat a nih laiin Fitment Committee Report Bung 5, no.21-ah mahni dinhmun aia step 2 te, step 3 tea hniama Pay Fixed a tum hi Fundamental Ruls kalh tlat a ni a; ACP tum 2 laho tan phei chuan thlatin cheng sang tel fe chawi belh reng tur a nih avangin Federation (FMGE&W) General Conference hnuhnung bera thu a lo passed angina Sorkar hian 1.1.2006- hlawh angin a rang thei ang berin min pe ngei turin Sorkar a ngen tak meuh a, hotuten lo bawhzui zel se, an ti a ni.
Sawitute sawi danin Pay Commission reng rengah sorkar hnathawkte hian an hlawh zaa 20-30% inkar vela a pun laiin, tuna Fitment Committee thu anga pek an nih chuan kum li chhunga cheng sing tam tak rulh ngai an awm dawn ngei a ni, an ti. Chutih laiin tuna kan Central hnuaia thawktu sang zual, Mizorama deputation-a thawkten 6th Pay an lak hmaa cheng sing nga vel laho khan tunah cheng Nuai chung lam fe (Rs 1.2 lakhs vel) te an lak tawh laia, Mizoram Sorkar hnuaia thawktu, a ram chhung mi thawktute hlawh heti taka hrek hniam tumna hi sorkar tumdan an nih an ring lova. Nikum, 2008 inthlan hmaa Political Party tinte hnenah inthlan hmaa kan ngen laiin 6th Pay min pek an remtih vek avangin, kum 10 dana hlawh pung thin hi General Conference thu lo pass tawh hi Sorkar pawhin min tihhlawhtlinsak ngei turin beiseina sang tak kan nei a niu, tiin an sawiho ta a ni.
He inrawnklhawmna hi Pu T. Sangkunga, President, FMGE&W –n kaihruaiin, Office Bearers 10 te an kim vek a ni.
He inrawnklhawmna hi Pu T. Sangkunga, President, FMGE&W –n kaihruaiin, Office Bearers 10 te an kim vek a ni.
