Science Promotion Wing, SCERT-in a buatsaih Mizorama Science Drama Competition hmasa ber "1st  State Level Science Drama Competition, 2010" chu vawiin khan Vanapa Hall-ah neih a ni a, Christ King School, Mission Veng chu pakhatna niin, St. Paul's Higher Secondary School, Tlangnuam chu pahnihna a ni a, Providence School, Babutlang chu pathumna a ni.
He Science Drama intihsiakna hi High School zirlaite inelna atana buatsaih niin thupui "Science and Society" tih hmangin intihsiakna neih a ni a, he intihsiakna a pakhatna dinhmun hauhtu Christ King School hian July 22, 2010-a Birla Industrial Technological Museum, Kolkata-a Zonal Level Science Drama Competition neih turah Mizoram ai an awh dawn a ni.