Vawiin khan DRDA Conference Hall-Mamit-ah District Level Vigilance and Monitoring Committee chu Chairman Pu C.L Ruala ( Lok Sabha) hovin neih a ni.

He Meeting Pu Lalhmingliana MP ( Rajya Sabha) Co- Chairman kaihhruaina hnuaiah hian District Level Rural Development Agency hnuaia Scheme hrang hrang MGNREGS, IAY, SGSY, IWDP, RGGVI, PMGSY,ARWSP, leh TSC atanga hmasawnna hna thawh te report ngaihthlak a ni a, MGNREGS hnuaiah hian tun kum thar a tan ni 10 in hlawhna siam a ni tawh tih tarlan niin IAY Scheme hnuaia Parmanent wait list hi a mamawh dan a zirin her rem theih ni se hei hi khawtin V/C te hriattir ni se tih te SGSY a hlawhtlin theih nan Bank lam te nen thawhhona tha zawk siam te, IWDP Scheme hnuaia 1-7 PIA ten an hmalak dan report pein hetah hian Ser tiak Supply chungchangah Quality tha ngei supply nise, a tha lo chu huai taka PIA ten hnawl ngam nise tih te leh Supply rate pawh ennawn ngai awma hriat a ni bawk. Tin state Matching share a hun taka hmuh a tul thu tarlan niin hemi a tan hian hmalak ni se tih te rel a ni bawk RGGVY Scheme hnuaia thingtlang khua te eng pekna a lo hlawhtlin zawk theih nan Contractor te leh Department lam thawhhona tha zawk siam ni se tih te sawi lan a ni a, hei bakah hian PMGSY hnuaia hmalakna chu tha thawkhat in hriat a ni. Committe ah hian ARWSP hi NRDWP in thlak a ni tawh thu tarlan niin Minority Concentration Fund for Water Supply a ranglam a release tur a ngen ni se tih rel a ni a, he scheme hnuaia hmalakna Andermanik khua chu sawn chhuah tur nih a vangin NRWDP hnuaia tui lak hi tih tawp a hmun danga sawn dan ngaihtuah ni se tih he meeting ah hian tarlan a ni bawk.

He District Vigilance and Monitoring Committe ah hian Pu Lalrinmawia Ralte MLA Parliamentary Secretary Home etc, leh Pu Lalrobiaka MLA Chairman ZIDCO,te District chhunga SDO(civil), BDO, Project hrang hrang PIA te bakah NGO hruaitute an tel a ni.

Attachment

  • Loading attachment...