Vawiin chhun dar 12 khan CTI Sesawng, DM & R Mizoram leh National Disaster Management, Guwahati atanga lokalte buatsaih Disaster Response Force Training hmasa ber chu zawh a ni a, training zawhna inkhawmah hian Pu R. Lalzirliana, Home Minister chu khuallian niin Pu N.K. Chakma Minister of State, Disaster Management & Rehabilitation chu khual zahawm a ni.
He Passing Out Ceremony ah hian Pu Zira chuan thusawiin Disaster Management & Rehabilitation chu Mizofaten a pawimawhna kan hmelhriat ve tan ta a. Mizo tlawmngaihna hlu tak kan neih thin nen pawh hian a inhmeh em em a ni. Chutih laiin training nei lova rin tihna a chhiatrupna thlen chungchangah kan che vak mai thin hian harsatna chi hrang hrang min thlen thin zawk a, technical leh a kalhmang anga kan tih chuan thil a fel zawk dawn a ni, a ti.
Pu Zira chuan Mizoram hi lirnghing nasa tak awm theihna bialchhung a mi kan nih laiin Pathian zahngaihna avangin, a khawngaihna avang chauhin chu thil hlauhawm chu kan la tawng lo a ni a, chuvangin Pathian chauh rinchhanin ama venhimna dil chunga kan awm reng hi a pawimawh a tih thu a sawi.
Khual zahawm Pu Nihar Kanti Chakma pawhin thusawiin vawiina State Disaster Response Force kan neih zawh tak hi Central sorkar-in state hrang hrangte ti tura min tih a ni a, Mizoram chuan state dang aiin a nei hmasa ber ta a ni, a ti a. Hemi hlawhtlinna National Disaster Management, Guwahati leh Mizoram DM & R te buatsaihah hian Mizoram Police 1st & 2nd MAP atangin mi 25 ve ve te trained chhuah an ni a, hetiang ti hlawhtling thei tura police in an mi te min pek avang hian an chungah kan lawm em em a ni, a ti.
State Disaster Response Force Passing Out Ceremony hi a department Secretary Pu Rohmingliana'n kaihruaiin Mizoram chuan rahbi thar kan kai hi lawmawm a tih thu sawiin zau zawka he training la pek zel dan tur ruahman mek anih thu a sawi bawk.
Pu Lalrokhuma Pachuau, DGP chuan thu tawi sawiin DM & R Department in an nau te training tha tak an pek avanga lawmthu sawiin PTC Lungverh-ah te pawh hetiang training hi chhunzawm zel nise, hmanrua leh tul dangte sorkar atanga kan hmuh theih chuan Mizoram mipui tan a tangkai dawnin a rin thu a sawi.
Pu V. Sapchhunga, Director, DM & R pawhin lawmthu sawina a nei bawk.
Vawiin hian heng khuallian te bakah DM & R hotute, Police lam DGP, DIG , Battalion hotute leh I & PR lamte an tel a ni.
Pu Zira chuan Mizoram hi lirnghing nasa tak awm theihna bialchhung a mi kan nih laiin Pathian zahngaihna avangin, a khawngaihna avang chauhin chu thil hlauhawm chu kan la tawng lo a ni a, chuvangin Pathian chauh rinchhanin ama venhimna dil chunga kan awm reng hi a pawimawh a tih thu a sawi.
Khual zahawm Pu Nihar Kanti Chakma pawhin thusawiin vawiina State Disaster Response Force kan neih zawh tak hi Central sorkar-in state hrang hrangte ti tura min tih a ni a, Mizoram chuan state dang aiin a nei hmasa ber ta a ni, a ti a. Hemi hlawhtlinna National Disaster Management, Guwahati leh Mizoram DM & R te buatsaihah hian Mizoram Police 1st & 2nd MAP atangin mi 25 ve ve te trained chhuah an ni a, hetiang ti hlawhtling thei tura police in an mi te min pek avang hian an chungah kan lawm em em a ni, a ti.
State Disaster Response Force Passing Out Ceremony hi a department Secretary Pu Rohmingliana'n kaihruaiin Mizoram chuan rahbi thar kan kai hi lawmawm a tih thu sawiin zau zawka he training la pek zel dan tur ruahman mek anih thu a sawi bawk.
Pu Lalrokhuma Pachuau, DGP chuan thu tawi sawiin DM & R Department in an nau te training tha tak an pek avanga lawmthu sawiin PTC Lungverh-ah te pawh hetiang training hi chhunzawm zel nise, hmanrua leh tul dangte sorkar atanga kan hmuh theih chuan Mizoram mipui tan a tangkai dawnin a rin thu a sawi.
Pu V. Sapchhunga, Director, DM & R pawhin lawmthu sawina a nei bawk.
Vawiin hian heng khuallian te bakah DM & R hotute, Police lam DGP, DIG , Battalion hotute leh I & PR lamte an tel a ni.
Attachment
- Loading attachment...
