253/2025-2026

Siaha the 22nd April 2025: Vawiin khan Siaha District Police te chuan Siaha district-a two wheeler khalhtu ten Dan in a phal chin piah lam ri tichhuak thei proton/after market exhaust (>80 Decibel) an hman thin te chu ngawrh taka hun eng emaw chen an check hnuah, 43 lai mai chu man niin, Chief Judicial Magistrate Siaha district hnen atanga tihchhiat/dispose phalna hmuh anih hnuah tukin zing dar 11:00 AM khan SP Siaha office kawtah tihchhiat vek a ni.

Two wheeler neituten hetiang after market exhaust bengchheng tak tak Dan in a phal chin piahlam hmang an awm tlat thin chu a pawi hle a, hetiang ri bengchheng tak tak te hian damlo, nausen leh tar chaklote tan hriselna lamah harsatna a thlen theih piah lamah, zan mut hunah pawh mi an timu tha thei thin lo a ni. Two wheeler neitu zawng zawngte hetiang after market exhaust hi tumahin hmang tawh lo turin kan inchah a, hmang lui kan lo awm pawhin dan angin action lak zel a ni ang.

Tin, Siaha mipui-te pawhin hetiang after market exhaust hmang thin kan hriat chuan Siaha Traffic Police te leh senior officer te hnenah mobile phone pawhin report a pek theih reng a, report petu hming leh address te thup vekin, a tul angin hma kan la zel thei ang tih mipui te kan inhriattirin kan inngen nawn bawk a ni.