Kum 2010 KTP General Conference Organising Committee Vawi 6-na chu ni 26 June, 2009 khan DC Conference Hall, Mamit-ah neih a ni a. He nun hi Pu John Rotluangliana Deputy Speaker, Bialtu MLA ni bawk leh he Committee a Patron ni bawk chuan a hmanpui a ni
Thusawiin Pu John Rotluangliana MLA, Patron chuan Organising Committee te’n kawng hrang hranga he khawmpui hlawhtlinna turah in lungrualna leh thawhhona tha kan neih a pawimawh a, mikhual lo dawnsawn danah te leh kawngtin rengah hawihhawmna thinlung nen kan chet a tul thu tarlangin he khawmpui hian thalai te rilru-ah nasa taka a tha lam hawi zawnga rah a chhuah ngei a duhthu a tarlang a ni. Pu John-a chuan hei hi District tan pawh darthlalang a nih thu sawiin a hlawhtlinna turah pawh Department hrang hrangte pawhin theihtawp chhuah turin a ngen bawk a ni. Khawmpui hlawhtlinna tura sum leh pai ngaihna-ah senso tam lo thei ang bera hmalak a tul thu sawiin Sub-Committee hrang hrangte hmalak tawh dan report te a ngaithla a, theihtawp a hmalakpui a in huam thu a sawi bawk.
Deputy Speaker hian khawmpui in buatsaihna atan MLA Fund atangin cheng nuaih nga (5 lakh) inhlawhnan a ruahman sak tur thu a sawi bawk. He Organisnig Committee Vawi 6-na Pastor C.S. Rila Chairman kaihhruai ah hian Sub-Committee peng hrang hrang 14 ten an hmalak dan report an pe a, chumi zawh chuan khawmpui in buatsaihna atan sum ruahman cheng nuaih sawmparuk hmuh dan turte relho a ni bawk.
He meeting ah hian Committee Members te an tel tha hie a. Hemi ni vek hian Pu John Rotluangliana Deputy Speaker, bialtu MLA ni bawk chuan Mizo Venga Presbyterian English Medium School a tlawh a. Naupangte leh zirtirtute bakah Organising Committee ten an lo dawngsawng a. Organising Committee ten an mamawh a hnena an lo thlen te chu Deputy Speaker chuan ngaihthlak sakin theihtawp chhuah pui a turn thu a hrilh a ni. He school ah hian Kg I atanga Class-IV thleng awmin kum 2005 a din a ni a tunah hian zirtirtu pasarih leh zirlai 150 an awm mek a ni.
Deputy Speaker hian a hawn pahin Rawpuichhip khuaa sorkar hmun pawimawh hrang hrangte leh zirna in te tlawhin chipchiar takin a fang nghal bawk.
Deputy Speaker hian khawmpui in buatsaihna atan MLA Fund atangin cheng nuaih nga (5 lakh) inhlawhnan a ruahman sak tur thu a sawi bawk. He Organisnig Committee Vawi 6-na Pastor C.S. Rila Chairman kaihhruai ah hian Sub-Committee peng hrang hrang 14 ten an hmalak dan report an pe a, chumi zawh chuan khawmpui in buatsaihna atan sum ruahman cheng nuaih sawmparuk hmuh dan turte relho a ni bawk.
He meeting ah hian Committee Members te an tel tha hie a. Hemi ni vek hian Pu John Rotluangliana Deputy Speaker, bialtu MLA ni bawk chuan Mizo Venga Presbyterian English Medium School a tlawh a. Naupangte leh zirtirtute bakah Organising Committee ten an lo dawngsawng a. Organising Committee ten an mamawh a hnena an lo thlen te chu Deputy Speaker chuan ngaihthlak sakin theihtawp chhuah pui a turn thu a hrilh a ni. He school ah hian Kg I atanga Class-IV thleng awmin kum 2005 a din a ni a tunah hian zirtirtu pasarih leh zirlai 150 an awm mek a ni.
Deputy Speaker hian a hawn pahin Rawpuichhip khuaa sorkar hmun pawimawh hrang hrangte leh zirna in te tlawhin chipchiar takin a fang nghal bawk.
