Anti Tobacco Squad, Serchhip District chuan Vaihlo leh a kaihhnawihin mihring hriselna a tihchhiat thin avanga mitin kan lo fihlim theih nan nasa takin hma an la reng a, kum 2017-2018 chhunga an hmalakna tlangpui a hnuaia ami hi a ni:
Anti Tobacco Squad Drive vawi 72 an nei a. Kum hmasa chhunga dan bawhchhiate pawisa an chawi tir Rs. 3350 atanga a zahve Rs. 1675 chu sawrkarah chhung lutin, a zahve dang chu heng squad drive neihna senso atan hian an hmang a ni.
Legal Metrology, Food and Drug Administration leh Traffic Police te nen thawk hoin drive vawi 4 an nei bawk a, chuta an man te chu- Sikhar- 799 pouch, Winbody- 849 packets, Valiant- 2996 packets, Far Star-1821 packets, Hammer-710 packets leh Lincoln-11 packets te a ni.
Tlawmngai pawl leh Kohhran hrang hrangte nen thawk hoin Vaihlo leh a kaihhnawih that loh zia inzirtirna hun vawi 23 hman niin, zirna in hrang hrang 6 ah hun hman a ni bawk. Vaihlo bansan duhte tanpuina hmun TCC buatsaih niin hetah hian mi 259 an enkawl a, mipa 17 leh hmeichhia 30, an vaiin mi 47 in vaihlo leh a kaihhnawih an bansan thei a, lawmawm an ti hle a ni.
