No.6904/2020-2021
Vawiin chawhnu khan DC Conference Hall, Kolasibah Youth Program 2020-21 chhunga kalpui dan tur sawi hovin Nehru Yuva Kendra, Kolasib District Advisory Committee-te chuan thutkhawmna an nei a, thalai kum 15 leh 29 inkar ten nun kawng dik an zawh theih nana rilru leh taksa hrisel an neih theih nan ruahmanna hlawm lian tak tak pariat a thente chu sawi hona neih a ni.
Vawiin thutkhawmah hian thalai tam thei ang berin Nehru Yuva Kendra kaltlanga nun kawng dik (Youth Mapping) an zawh theihna tur ruahmannate, chhiatrupna thlen hun a chet lak dan tur inzirtirnate, Fit India Movement zulzui a hriselna kawng a thalaite nun kaihhruaite, Faina kawng a inzirtirte, ruahtui dah khawl pawimawhna inzirtir bakah Nehru Yuva Kendra hnuaia Covid-19 hrileng dona kawng a hmalak dan turte sawiho a ni.
Dr.H.Lalthlangliana, Deputy Commissioner hova thutkhawmnaah hian Nehru Yuva Kendra hnuaia thalai tan a hmalakna tur hrang hrang chhawpchhuahte chu Sawrkar inkaihhruaina zulzuia kalpui tur a rel a ni.
Param Rathee, District Youth Officer, Nehru Yuva Kendra, Kolasib chuan an hmalak tawhna tarlangin New Education Policy 2020 chungchang sawi zauna hun a hmang bawk a ni.
Tun dinhmunah hian Kolasib District chhungah Youth Club 110 inziaklut an awm mek a, inziaklut tur a dilna thahnem tak a awm mek bawk a ni.
