No.6903/2020-2021 

Vawiin khan Children Sanitation Club, Mamit Bazar veng chuan an din cham kum 4- na lawmna hun Mamit Bazar kawtzawlah an hmang.

He hunah hian Pu C. Sawihlira, DUDO, Mamit chuan Mamit khawpui chhung faina turin a huhoin hnatlang theilo mah ila, faina chu kan nunah bet se, fai tura pawimawh ber bawlhlawh kan paih fimkhur chuan kan fai reng dawn a, khawpui fai ni reng tura tan la turin kalkhawmte a sawm.

Pu Rodingluaia, Chairman Jt. VC pawhin India ram puma Children Sanitation Club dinchhuaktu Mamit Bazar veng te chu fakawm a tih thu a sawi a. Bazar veng CSC phur taka hnatlang thei tura phurna pe tu leh enkawltu UD&PA, Mamit chungah lawmthu a sawi a, Naupangte chu fai tura kan hmalaknaah kan hmachhuan zel turte an nih thu a sawi. 

Bazar veng CSC dintu Pi Laltharzeli. National Awardee, SBM/President MHIP, Bazar veng chuan lawmthu sawina leh CSC, Bazar veng theme 22:6 sawirualna neihpuiin naupangte duhsakna chibai a hlan nghal bawk a ni.

Children Sanitation Club hi India ram Prime Minister Pu Nadrendra Modi chuan central programme-ah naupangte chanvo ah a khung tawh a, Kalphung duansa anga kalpui chhoh mek zel a ni. 

Bazar veng Children Sanitation Club dincham kum 4-na lawmna hun hi Pu Lalthakima, VCP Bazar Veng chuan kaihruai a, DCPU, Mamit atangin thusawi ngaihthlak a ni bawk.