2020 International Paragliding Accuracy Championship Serchhipa neih tur chu inbuatsaihna te peih fel tawh niin, naktuk hian Hon’ble Home Minister Pu Lalchamliana'n a hawng ang.

He hun hlawhtling taka hman anih theih nana inbuatsaihna chuan a vawrtawp a thleng chho mek a. Vawiin khan Pu C.Lalramzauva, Adviser to Chief Minister, Mizoram chuan a hmuna kalin inbuatsaihna neih dante a en a, a thlawhchhuahna hmun leh a ṭumna hmun tura inthiarna, tui in tur, bawlhlawh paihna tur leh he hun hmang tura kal mipuite chawlhna tur pawh en fel a ni a, engkim peih a ni tawh a ni.

2020 International Paragliding Accuracy Championship Serchhip-a neih tur ah hian India ram state hrang hrang atang leh khawvel ram hrang hrang atangin Pilot (Gliders) 70 dawnin hming an pe lut a ni.

Pu Ramzauva hi Mizoram Aero-sport Association (MASA) hruaitute, Organising Committee, thuthar lakhawmtuten an tawiawm a ni.