3025/2023-2024

Mamit 13th December, 2023 : Vawiin khan DC Conference Hall, Mamit-ah Pu V.L Remliana, District Bawrhsap kaihhruaina-in Kum 2023 Krismas leh 2024 Kumthar mipui vantlang te'n hlim leh thlamuang taka kan hman theih nana dan leh thupek kenkawh dan tur ngaihtuaha thutkhawm a ni.

Vawiin thutkhawmah hian District Magistrate-in thupek a lo chhuah tawh ang a, Halpuah, Halmawi, Silai lem a mu nei chi hralh leh lei khapna bawhzuina atan a zuartu dawrte check nise tih a ni a. A check tur hi team hniha inthen fel nghal a ni. Mamit Khawpui chhung hmun lunlaiah Duty post siam leh nise tih a niin, duty post-ah hian vengchhung YMA, Excise leh Police-te nen tangkawpa duty nise tih a ni bawk. Khawpui chhungah rukruk a hluar avangin Police Petrolling uar zawka kalpui leh nise, rukru leh dan bawhchhia man chhuah vat an nih theih nan, vengtinah CCTV vuah tura hmalak a ni. Krismas leh Kumthar chhung hian Emergency case awm palh theiah District Hospital, Mamit chu in ralring tura beisei an ni bawk a ni.

Meeting hian boruak muanawm tak hnuaia kristiante hunpui Krismas leh Kumthar hmang turin District mipuite duhsakna min hlan a. Hunpui vuakveta Excise & Narcotics Department be pawp duh tan Ph: 9362934177 ah engtik lai pawhin biakpawh theih a ni.

Vawiin Meeting-ah hian Police, Medical, Excise, YMA,VC leh thutharthehdarhtute te an tel a ni.