3024/2023-2024

Dated Ngopa the 13th December 2023 : Vawiin khan Ngopa SDO (Civil) leh Sub-Divisional Magistrate, Pu H.Lalramliana MCS kaihruainain kumin 2023 Krismas leh Kumthar 2024 vuakveta mipuiten him leh hlim taka hun pui an hman theihna turin meeting neih a ni a. Mi tinin boruak ralmuang hnuaiah zalen taka an awm theihnan chak lutuk leh rui chunga lirthei khalh te chungah dan anga action lak zel nise an ti a. Ngopa khawpui chhung bikah emergency thil te anih loh chuan darkar khatah km 20 aia chaka lirthei khalh loh nise an ti bawk.

Meeting hian YMA, VDP leh MHIP te chu mahni area theuhvah mipuite himna tura theihtawpa hma la tura ngenin, police te pawh lo thlawp turin a ngen nghal bawk.

Tin, silai lem, a mu kap chhuak thei chi te khap an rel a. Ruihtheihthil leh ruih hlo lakluh leh zawrh khapna ding lai pawh he hunpui chhung hian khauh lehzuala ken kawh nise an ti.

He meeting ah hian Ngopa khua a  Police, VC, VDP, YMA, MUP, MHIP leh Kohhran aiawh te an tel a, Chairman chuan mipuite chu hlim taka hun hmang tura duhsakna hlanin, mi dang te hlimna daltu ni lo turin a chah bawk a ni.