India ram hi khawvel ram hrang hrang zingah accident tamna ber te zinga mi niin motor accident avanga thi hi kumtin mi nuai khat aia tam an awm thin a. Chutiang chu kan dinhmun a nih avangin sorkar laipui chuan kal kawnga kan himna (road safety) hi ngaihthah theih a ni lo a ni. Kum 1998 khan Union Transport Minister chuan State leh U.T. tina Transport Minister te ko khawmin meeting a neihpui a, chuta an rel ang chuan kum1998 atang khan kum tin India ram pumah Road Safety Week hi hman tan a ni ta a ni. Kumin Road safety Week vawi 21-na atana thupui thlan chu ‘Life is Safe if Drving is Safe’ (Him taka motor khalh hi nun himna a ni) a ni. Vawiin khan Mizoram pum huapa he Week hawnna chu Transport Directorate, Chaltlang-ah hawn a ni a. Hawnna inkhawm hi Transport Director Pu Dawngliana’n a kaihruai a, Transport Secretary Pu P.Lalthlengliana chu Khuallian a ni.
Khuallian Transport Secretary chuan Mizorama motor accident tam ber chu driver-te fimkhurh tawk loh vang leh zurui chunga motor khalh vang a ni, a ti. Traffic Rules-in motor khalh chunga mei zuk leh mobile phone hman a khap tlat thu sawiin Mizote chuan hei hi kan zawm tha lo hle a ni a ti bawk. Road Safety Week hi kar khat chhung awh mai tur ni lovin englai pawhin motor khalhtute hi fimkhur kan ngai tak meuh a ni tih Transport Secretary-in a tarlang.
S.P. (Traffic) Pu Lalbiakzama chuan India ramah darkar 1 chhungin road accident avangin mi 30 an thi ang tluk a nih thu tarlangin road traffic leh accident-a kan senso hian kawngpui thar tha tam tak siam theih zawk a nih thu a sawi a ni. Aizawl khawpui chhunga accident tam zawk chu 2-wheeler a nih thu sawiin S.P. (Traffic) chuan nu leh paten mawhphurhna an zirtir thei lo a nih chuan an fate tan lirthei lei sak loh ngam a ngai a ni, a ti. Lirthei kan khalh chhuah hian keimahni bakah kawngpuia kal tam tak tan hlauhawm kan ni tih hre reng chungin fimkhur takin lirthei i khalh thin ang u tiin mipuite a chah bawk.
Vawiin Road Safety Week hawnna inkhawm-ah hian Hunthar Veng-a awm thin DTO Office tuna Transport Directorate, Chaltlang Complex-a sawn tak hawnna neih nghal a ni a. Vawiin atang hian he hmunah hian Road Tax etc. pek tur a ni a, Transport Department chuan a hun taka chhiah pe zel turin mipuite a chah a ni. Vawiin leh naktuk (2-3 March, 2010) hian Aizawl khawpui chhunga 2-wheeler khalhtute pualin training neih a ni dawn a. Road Safety Week kharna inkhawm chu Zirtawp Ni (5 March, 2010) khian Booth Mansion, Salvation Army temple-ah hman tur a ni a, chutah chuan Driver tha zual thlan chhuah leh Traffic Police tha zual thlanchhuahte hnenah Transport Minister’s Award hlan a ni ang.
S.P. (Traffic) Pu Lalbiakzama chuan India ramah darkar 1 chhungin road accident avangin mi 30 an thi ang tluk a nih thu tarlangin road traffic leh accident-a kan senso hian kawngpui thar tha tam tak siam theih zawk a nih thu a sawi a ni. Aizawl khawpui chhunga accident tam zawk chu 2-wheeler a nih thu sawiin S.P. (Traffic) chuan nu leh paten mawhphurhna an zirtir thei lo a nih chuan an fate tan lirthei lei sak loh ngam a ngai a ni, a ti. Lirthei kan khalh chhuah hian keimahni bakah kawngpuia kal tam tak tan hlauhawm kan ni tih hre reng chungin fimkhur takin lirthei i khalh thin ang u tiin mipuite a chah bawk.
Vawiin Road Safety Week hawnna inkhawm-ah hian Hunthar Veng-a awm thin DTO Office tuna Transport Directorate, Chaltlang Complex-a sawn tak hawnna neih nghal a ni a. Vawiin atang hian he hmunah hian Road Tax etc. pek tur a ni a, Transport Department chuan a hun taka chhiah pe zel turin mipuite a chah a ni. Vawiin leh naktuk (2-3 March, 2010) hian Aizawl khawpui chhunga 2-wheeler khalhtute pualin training neih a ni dawn a. Road Safety Week kharna inkhawm chu Zirtawp Ni (5 March, 2010) khian Booth Mansion, Salvation Army temple-ah hman tur a ni a, chutah chuan Driver tha zual thlan chhuah leh Traffic Police tha zual thlanchhuahte hnenah Transport Minister’s Award hlan a ni ang.
