Mizoram Gorkha Youth Association General Conference vawi 33 -na vawiina Vanapa Halla neihah Chief Minister Pu Lal Thanhawla chu khuallian a ni.
Chief Minister Pu Lal Thanhawla chuan hmanlai atang tawha Mizote leh Gorkhalite chu inenhranna awm miah lova chengza kan nih thin thu sawiin, Mizoram leilungfa dik tak leh cencusa hming lo chuang tawhte chu an chanvo tur tih hlawhtlin sakin, hamthatna awm thei turahte pawh kan hmaih lovang a ti a. Gorkhali sorkar hnathawk fa te tan chauh sorkar hna leh hamthatna awm thei te dah sak bik lova midang tante pawh siam sak ve nise tih an thlen chu Chief Minister chuan he an thil ngiat leh ‘Other Backward Class’ (OBC) dinhmuna dah tura sorkar an ngenna chu India Danpuiin a phal ang zela kal anih tur thu a sawi a. Chuvangin an beisei anga sorkar a kal chak theilo anih pawhin,hrethiam hram turin a chah a ni.
Chief Minister chuan Mizoram Gorkha te chu neitu nihna rilru pu tura chahin, Mizoramah chuan Gorkhali takin an Mizo thei a, chutiang bawkin Chakma te pawh Chakma takin an Mizo thei a ni a ti. Chuvangin kan thatna leh tangkaina te inhretawn-a, inpawh taka kalchho tlang zel turin a sawm a. Sorkar hnathawk pension tawhte leh zitirtu thenkhatin harsatna an tawhte pawh hnam tlem zawk an nih vang ringawt pawhin ngaihtuah bik an nih tur thu Pu Hawla chuan a hrilh a. Mizoram chu remna leh muanna state a siam thar chho zel tura sawmin, sports lam Mizoram tih hming thatna kawngah tumah enhran an ni lovang a ti.
Chief Minister nupui Pi Lalriliani pawhin Mizoram State Society on Tobacco & Health, Mizoram Chapter President anih angin thusawina hun a hmang a. Pi Rii chuan zuk leh hmuamin mihringte hriselna a khawih chhiat theihzia leh a tel lova a awm theihzia uar takin a sawi bawk a ni.
Inkhawm hi Mizoram Gorkha Yuva Sangh President Pu S.B.Thapa in a kaihhruai a. Zai leh lam mawi tak tak entir a niin, chawhnu lamah 2nd session an nei a ni.
Chief Minister chuan Mizoram Gorkha te chu neitu nihna rilru pu tura chahin, Mizoramah chuan Gorkhali takin an Mizo thei a, chutiang bawkin Chakma te pawh Chakma takin an Mizo thei a ni a ti. Chuvangin kan thatna leh tangkaina te inhretawn-a, inpawh taka kalchho tlang zel turin a sawm a. Sorkar hnathawk pension tawhte leh zitirtu thenkhatin harsatna an tawhte pawh hnam tlem zawk an nih vang ringawt pawhin ngaihtuah bik an nih tur thu Pu Hawla chuan a hrilh a. Mizoram chu remna leh muanna state a siam thar chho zel tura sawmin, sports lam Mizoram tih hming thatna kawngah tumah enhran an ni lovang a ti.
Chief Minister nupui Pi Lalriliani pawhin Mizoram State Society on Tobacco & Health, Mizoram Chapter President anih angin thusawina hun a hmang a. Pi Rii chuan zuk leh hmuamin mihringte hriselna a khawih chhiat theihzia leh a tel lova a awm theihzia uar takin a sawi bawk a ni.
Inkhawm hi Mizoram Gorkha Yuva Sangh President Pu S.B.Thapa in a kaihhruai a. Zai leh lam mawi tak tak entir a niin, chawhnu lamah 2nd session an nei a ni.
