Lianzama Hrangchal hi senvawn, Manipur chhuak a ni a, kum 1989 khan HP (underground) a zawm a, HPC ah hian Chief Marshal niin Mizoram chhunga operation neihna ah te activity dangah te thupe tu pawimawh tak a ni. Kum 1994 July a Mizoram sorkar le HPC in inremna an siam khan lo chhuakin amaherawh chu politic thil avang bawkin 15.1.1996 khan Sakawrdai atangin Manipur ah a chhova, HPC leh Mizoram sorkar inremna a an ralthuam pek luh lohte lakhawm in HRF (underground) a din leh a, Senvawn khua Manipur-ah awmhmun a bengbel ta a ni. HRF hruaitu a nih lai hian Hmar Hel pakhat HPC(D) te nen inhriatthiam lohna nasa tak an neih avangin Manipur Hel pakhat PREPAK nen thawkdun in Manipur a Hmar chenna hmun thenkhat chu an awp a. Hetih chhung hian PREPAK te nen Joint Operation Mizoram chhungah an rawn nei fo thin a ni. HRF te hi PREPAK ten an awpbeh tak tlat avangin leh Lianzama Hrangchal hian a nunna atan pawh hlauhawm a a hriat avangin Dt. 5.6.2000 khan Mizoram Sorkar-ah a insurrender leh a, Edenthar Aizawl ah a cheng mek a ni. Kum 2007 kum tir lam khan HNA te nen thawk ho leh in HNA hruaitu ang hiala a lan avangin thubuai Aizawl PS C/No. 109/07 u/s 506 IPC siamsak a niin Bail a chhuah leh nghal a ni.
Bail a a chhuah hnu hian Edenthar Aizawl ah a awm zui zela, amaherawh chu Hmingchhungnunga, HPC President leh LZ. Hrangchal hi HPC (D) ten thah an tum reng nia an in hriat avangin an nun hi him lo ah an ngai a HNA President Lalthangsanga nen thurual in hel pawl chak zawk din an tum a amaherawh chu hruaitu in ti ve ve an nih avangin an in ngeih thei lo a Pu Hmingchungnunga nen a hran in Helpawl an din leh a, Mizoram Hmar lam khaw hrang hrang atangin bumna hmangin Volunteer a la khawm a Kum 2007 July thla kha SRTF (Sinlung Revolutionary Tiger Force ) tiin a din a Volunteer lak khawm te hi Myanmar ramchhung Tamu bul PREPAK Training Camp-ah training nei tur in a thawn a. Kum 2008 November thla khan an pawl hming SRTF chu SPLO/SPLA tiin an thlak a . Heng SPLA cadre mi 64 zet hi Manipur a Assam Rifle kutah inpe in ni 17 .7 .2009 khan Mizoram ah homecoming ceremony pawh neih a ni.

Kum 2008 a MLA General Election a lo awm a Sorkarna a in thlak khan Mizoram chhung atang in a tlan bo a West Bengal/Nepal inrina bawr vel ah a tawm bo ta a ni.
He pawl hruaitute chu :
1) President             -         Lianzama Hrangchal.
2) General Secretary         -         HT Khawzawl.( Surrendered )
3) Defence Secretary         -         Thuamluaia.( Surrendered )
4) Army Chief        -        Rohluna Hrangchal @ Ignou