Vawiin chawhma dar 10:00 khan Home Minister Pu R. Lalzirliana chuan Mizoram-in MNF leh India sorkar Remna siam hnua hel pawl dang lo siam leh zinga hotupa Lianzama Hrangchal, Sinlung Revolutionary Tiger Force (SRTF) Mizoram khua leh tui dik taka nunphung pangngai zawm duha inpe chu a office ah thutiam tirin a lawmlut.
 
 
He lawmluhna inkhawmah hian Pu Zira chuan LZ Hrangchal chanchin hrang hrang te a sawi hnuah thu tiamna a neih tir hnuin Mizoram Police te chu hnathawk thei a siam an nih hnuah buaina chi hrang hrang chinfel harsa awm tak takte an chinfel hian Mizoram sorkar a chawimawh a ni tih a sawi.

MNF leh India sorkar inremna tha tak neih anih hnuah hun engemaw lai atang khan helho an inlar leh nasa hle mai a, mahse, kan Police ten a takin an han thawh meuh chuan an dai tan ta hle a ni tih Home Minister chuan a sawi bawk.

Vawiin inkhawm tawite Home Minister Office-a neih ah hian Pu Lalrinmawia Ralte, Parliamentary Secretary (Home); Pu John Siamkunga, MLA; Pu Vanhela Pachuau, Chief Secretary; Pu Lalmalsawma, Home Secretary; Pu Lalrokhuma Pachuau, DGP; Addl. Secretary Home Pu TV Fambawl; CID lam SP; Information & Public Relations lam leh chanchinbumi engemaw zat an tel a ni.

 
 

Attachment

  • Loading attachment...