Vawiin khan Ministry of Science & Technology, Govt. of India bultumin Mizoram Entreprenership network (MEN) te chuan ni 20 chhung awh tur Entrepreneurship Development programme training chu D.C. Conference Hall, Saihai-ah an neih tan a. He training programme hawnna inkhawm hi Pu R.S.Rosangzela, Executive Member, MEN-in kaihruaiin Khuallian Pu James Vanlalhruaia, D.A.O., Saiha chuan training kalte fuihna thu sawiin programme a hawng a ni.

Pu Daniel Hauhnar, Programme Coordinatoe, MEN-in training kalphung tur a sawifiahnaah sorkar laipui Ministry of Science & Technology chuan he EDP hi Mizoram state thalai lehkhathiam mahni kutkawiha eizawnna bultan duhte tan a buatsaih thu a sawi. He EDP training tur hian mi 70 chuang an dilnaah, MEN chuan mi 35 an thlanchhuahte hnenah vawiin atangin training hi an pe tan dawn a ni.