2327/2023-2024

Khawzawl, 15th October 2023: Nimin khan 22-Tuichang (ST) Assembly Constituency a Expenditure Observer tur Pu Sridhar Dora, IRS chuan Khawzawl a lo thleng a. Tlai dar 5 khan Khawzawl DC Meeting Room-ah inthlanpui neih tura Expenditure Monitoring Team te nen inkawmhona hun tha tak an nei.

Inkhawm hi Khawzawl District Election Officer Pu K. Lalrohlua chuan a kaihhruaia, Pu Sridhar Dora chuan inthlanpui tluang taka neih a nih theih nan thawhhona tha tak neih a pawimawh thu sawiin, official-te chu an mawhphurhna theuh te tha taka hlen chhuak turin a chah nghal a ni.

Khawzawl Election Officer, Pu Timothy R. Lalhmangaiha chuan he hunah hian Khawzawl District leh Tuichang AC dinhmun hrang hrang te tarlanna hun a hmang a. Tuichang bialah hian voter 17440 - mipa 8690 leh hmeichhia 8750 an awm a ni.