2326/2023-2024

Dated Siaha 14th October, 2023: Vawiin khan DC Mini Conference Room-ah Pu  Dev Prakash Bhamavanat (IRS) hovin 39- Saiha (ST) Assembly Constitency leh 40-Palak (ST) AssemblyConstitency- a Election Expenditure MonitoringTeam-te chu thukhawmin inkawmna an nei.

Pu  Dev Prakash Bhamavanat (IRS) Expenditure Observer chuan Expenditure Monitoring Team- te pawimawhna sawiin, Election Commission of India in sum hman a phalzat,  candidate pakhat tan cheng nuai 28 chu a taka kalpui a tul a ti a. Candidate leh party-te sum hman dan chu uluk taka endik thin turin a chah a. ECI in a tum ber chu induhsakbikna awmlo leh intluktlang taka candidate leh political party-ten inthlan an hmachhawn hi a ni tiin chutiang tura thawk turin a chah nghal bawk. 

Shri Dev Prakash Bhamavanat chuan Election Expenditure Monitoring Team- chu an mawhphurna, tihtur leh hmalakna tur an neih te chiang turin a chah a. Expenditure Monitoring Team- te inbuatsaihna hrang hrangte zawtfiahin, harsatna an neih ang angah tanpui thei turin an tan a awm reng tur thu a sawiin inthlanna felfai tak nei turin thawhpuiah a sawm a ni.

Vawiin thutkhawm hi Pu Lalhmunsanga Hnamte, District Election Officer chuan a kaihruaia, meeting ah hian Returning Officer pahnih 39-Saiha (ST) A/C, 40-Palak (ST) A/C bakah Expenditure Monitoring Team- te an tel a ni.