1852/2024-2025

Champhai, 31st August 2024: 24 Champhai South Bialtu MLA Lt. Col. Clement Lalhmingthanga'n Special Assistance to States for Capital Investment (SASCI) 2022-2023 kaltlanga cheng vaibelchhe 13.11 senga  Melbuk leh Zokhawthar inkar Vawmkawlui Box Culvert lei chim leh lei che avanga kawngpui kaltlang theih loha awm  siamthat mek chu tukin khan a hmunah kalin a enfiah a. MLA hian thawktute chu a tha thei ang bera hna thawk tur leh lirthei ten an zawh thuai theih nan theihtawp chhuah turin a chah.

Tun dinhmun ah hian hnathawh kal mek hi za a sawmriat (80%) thawh zawh tawh a ni.

MLA Lt. Col. Clement Lalhmingthanga chuan Mizoram Sawrkarin Indo-Myanmar Border Trade a ngaihpawimawh thu leh tihchangtlun nana hma a lak zel thu sawiin, Zokhawthara Border Trade kaltlanga insumdawn tawnna hmun khar mek a awm chungchangah helai hmun behchhana nitin a eizawngtu ten harsatna an tawh loh nan ngaihtuahna sen a ṭul a ni, a ti a. Hei bakah hian MLA hian Zokhawthar khawchhunga fur ruahtui tla avanga leimin te a hmunah kalin siam that dan tur a sawi pui bawk a ni.

MLA Lt. Col. Clement Lalhmingthanga hi PWD, I&PR, MJA Champhai District leh khawtlang hruaitute'n an tawiawm a ni.