Mizoram State Cooperative Union (MSCU) chuan Annual General Assembly vawi 24-na chu vawiin khan Aizawl Vanapa Hall-ah an hmang a, Cooperation Minister Pu J.H.Rothuama'n a telpui.
MSCU President Pu Lianthangpuia kaihhruaiah inkhawmah hian Khuallian chuan Mizoram chhunga Cooperative Union leh Society te kalphung chu a tlangpuia thlirin a lungawi thlak a ni, a ti. Sorkar chu Cooperative Union kalphungah hian inrawlh thuk thin lo mahse investment thahnem tak a neih ve avangin an tlukchhiat leh kal sual palh thu hlaah sorkar chuan a venpui reng a. Cooperative Society hrang hrang sum indaihlohna te, Training senso leh Society leiba neih te chhanchhuahna tur sum mamawh chu sorkarin a ngaihtuah mek a ni, a ti. Manifesto-a Cooperation hmasawnna tur thiltum lian tak 2 an tarlan sawichhuakin Minister chuan Cooperative Development Council dinna tur chak taka hmalak a nih thu leh Cooperative Bhavan sakna hmun pawh zawn mek a ni, a ti. Mipui te changkan leh hmasawn dan mil zela thang ve tura beisei Cooperative Union leh Society te chu anmahni hma zawn zelah theihtawp chhuah turin Minister chuan a chah a ni.
Thusawitu dang Registrar, Cooperative Societies Pu Lalpekliana chuan Cooperative Movement kalphung tur zirtirtu ber chu Cooperative Union te hi an nih avangin inkaihhruaina Dan leh Hrai pel lova an kal thiam a pawimawh a ni, a ti. Cooperative Act hi thuneihna sang ber a ni a, Cabinet leh State Legislature pawmpui hnua State lu ber Governor hming ziak hnan a nih avangin bawhchhiat leh palhzut mai mai chi a nilo, a ti.
Vawiin an Conference ah hian kum kal ta chhunga an sum hman dan thlir hona te, kum kal mek chhunga an Budget an hman dan tlangpui te sawiho a ni a. Kum 2011-2012 chhunga Board of Directors tur an thlang bawk.
Mizoram State Cooperative Union (MSCU) hi 27th March 1975-a din a ni a, kumin hi kum 36 a tlinna a ni. A din chhan angin MSCU chuan Cooperative zirtirna chi hrang hrang - mipui nawlpui zirtirna te, member te zirtirna te, Seminar, thalai pual zirna leh hruaitu pual bik training programme hrang hrang buatsaihin a kalpui reng a ni.
Thusawitu dang Registrar, Cooperative Societies Pu Lalpekliana chuan Cooperative Movement kalphung tur zirtirtu ber chu Cooperative Union te hi an nih avangin inkaihhruaina Dan leh Hrai pel lova an kal thiam a pawimawh a ni, a ti. Cooperative Act hi thuneihna sang ber a ni a, Cabinet leh State Legislature pawmpui hnua State lu ber Governor hming ziak hnan a nih avangin bawhchhiat leh palhzut mai mai chi a nilo, a ti.
Vawiin an Conference ah hian kum kal ta chhunga an sum hman dan thlir hona te, kum kal mek chhunga an Budget an hman dan tlangpui te sawiho a ni a. Kum 2011-2012 chhunga Board of Directors tur an thlang bawk.
Mizoram State Cooperative Union (MSCU) hi 27th March 1975-a din a ni a, kumin hi kum 36 a tlinna a ni. A din chhan angin MSCU chuan Cooperative zirtirna chi hrang hrang - mipui nawlpui zirtirna te, member te zirtirna te, Seminar, thalai pual zirna leh hruaitu pual bik training programme hrang hrang buatsaihin a kalpui reng a ni.
Attachment
- Loading attachment...
