Mizoram-in Remna leh Muanna kum 25 a neih tawh champha lawmna ‘25 Years of Peace Celebration-Cum-Exhibition’ chu 24 - 27 January, 2012 hian New Secretariat Complex-ah neih a ni dawn.

Remna leh Muanna Exhibition hi Pu Lal Thanhawla, Chief Minister chuan khuallian niin 24.1.2012 chawhma dar 10:30 ah New Secretariat Complex Ground ah a hawng ang a, Pu  S. Hiato, Minister of Industries etc. chu khual zahawm a ni ang.

Inkhawm hi Pu Vanhela Pachuau, Chief Secretary chuan kaihruaiin, Special Guest te : Pu Zoramthanga, President, MNF, Pu Lalhmangaiha Sailo, President, MPC, Pu Lalduhoma, President, ZNP leh Pu Lalhluna, President, BJP ten thu an sawi ang a; Pu H.Zothangliana, Parliamentary Secretary-in Vote of Thanks a sawi dawn a ni.

Hemi ni hian Mizo Idol 2011 leh zaithiam dangte an zai dawn a, College leh School naupangte Exhibition en tur hian kal theuh turin an hotuten remruat se a duhawm hle ang.

Remchan zawk avangin Peace Exhibition hi ni khatin pawhsei a ni dawn a. Kharna inkhawm chu ni 27.1.2012 ah helai hmunah bawk hian tlai dar 3PM ah Mizoram Larsap Pu Vakkom B. Purushothaman chuan Khuallian niin a hmanpui ang a. Pu Vanhela Pachuau, Chief Secretary chu Khual Zahawm a ni bawk ang.