Election Commission of India in thuchhuah a siam angin National Voters’ Day ni 25.1.2012 hian District Headquarters tinah hman a ni dawn a. Champhai District ah pawh he mi ni hian Venglai Community Hall ah chawhma dar 11:00 ah hman a ni dawn a ni. Thupui tur chu “Greater participation of a stronger Democracy” tih a ni ang.

Hemi ni hian Electoral Roll a lut tharte puala inkhawm buatsaih tur a ni a. Electoral Roll siam dan kalphung leh Election kaihhnawih hriattur pawimawh inhrilhhriatna hun atan hman tur a ni. He National Voters’ Day hman tur hi Election Commission of India chuan a ngai pawimawh hle a, Champhai Town area chhunga Booth Level Officer zawng zawng te leh electoral roll a lut thar (new voters) te hnenah EPIC sem nghal tur a nih avangin kokim taka kal tur a ni.

He hunah hian District Bawrhsap Pu Vijay Kumar Bidhuri, IAS, District Election Officer ni bawk chu khuallian a ni ang a. Pu James Lalnunmawia, SDO (S) in programme hi a kaihhruai ang.