Vawiin khan Chief Secretary Pu Van Hela Pachuau hovin Secretariat Conference Hall-ah Department hrang hrang hotute nen January ni 24 - 26, 2012 chhunga Remna leh Muanna champha kum 25 na lawmna leh Exhibition & Sales chungchang hman dan tur sawi hovin an thukhawm.

New Secretariat Complex ground a neih tur 25th Peace Celebration-cum-Exhibition & Sales in buatsaihna kal mek an thlir ho a. Department hrang hrang, sumdawng, leh NGO te kum 25 chhunga Mizoram hmasawnna lantir tura an inbuatsaih dan te chipchiar takin an sawi ho a. In buatsaihna in a vawr tawp a thleng thawhkhat tawh a, a lungawi thlak hle in an hria.

Hawnna inkhawm hi January ni 24 chawhma dar 10:30 ah neih a ni ang a, khuallian atan Chief Minister Pu Lal Thanhawla a ni ang a, khual zahawm atan Industries Minister Pu S. Hiato a ni ang. A kharna inkhawm January ni 26 chawhnu dar 3:00 ah neih a ni ang a, khuallian atan Mizoram Larsap Pu Vakkom Purushothaman beisei a ni.

Peace Celebration leh Exhibition neih chhung hian department hrang hrangin hmasawnna an neih te an pholang dawn a. Chu bakah chuan thil siam man tlawm zawkin lei tur a awm bawk ang a. Zaithiam ten an awi reng bawk ang. He hun ah hian mi zawng zawng tlawh turin an sawm a ni.