No.174/2021-2022
Dated Serchhip, the 17th April, 2021: Vawiin hian 26- Serchhip (ST) Assembly Constituency vote thlak chu tluang taka neih zawh niin tlai lam dar 7:00pm thlenga vote thlak zat chhinchhiah chin chu za zela 83.8 a ni a, zan dar 11:30 pm ah Polling Party ten tluang takin Strong Room an thleng kim.
Election Commission of India in ruahmanna a siam angin vawiin hian zing dar 7:00am atanga tlai dar 7:00pm inkarah Polling Station 29 ah mipuiten vote an thlak a, tlai dar 7 a vote tla zat chhinchhiah District Election Officer in a puan danin vote hi 16,367 a tla a, hetah hian Postal Ballot hmanga vote tla a la tel lo thung. Postal Ballot-a vote tla zat hi chu vote chhiar niah chauh hriat theih a ni ang. 26- Serchhip (ST) Assembly Constituency a vote awm zat 19,520 atanga chhutin vote tla zat hi za zela 83.8 a ni.
Polling Station 29 zingah za zela chhutin 28-Buangpui Polling Station ah vote tla tha berin za zela 93.4 a tla a, 29- Neihloh Polling Station chuan dawtin za zela 90.5% a tla a ni. 22- Serchhip XI ah leh 22- Serchhip XII niin za zela 78.2% ve ve tlain an tlem ber a, 19- Serchhip IX ah 80.2% tlain vote tla tlem pahnihna a ni. Election Commission of India chuan he inthlanah hian Covid19 patient ten an duh chuan vote an thlak theih dan ruahman mahse tun dinhmuna 26- Serchhip AC chhunga Covid19 patient enkawl mek mi 4 te chuan vote thlak loh mai an duh zawk avangin covid19 patient vote thlak an awm lo a ni.
Vote thlak hun zawh ve leh Polling Party te hian District Election Office a Receiving Counter an pan nghal a, Receiving Counter a chin fel ngaite an tih fel zawhah, Electronic Voting Machine, VVPAT leh an bungraw pawimawhte hi venhimna tha tak hnuaiah Presiding Officer ten Strong Room ah an dahlut a ni. Strong Room hi Security thuah thuma ven reng a ni a, CCTV tha taka vil a ni bawk. Polling Party thleng hnuhnung ber hian zanlai dar 11:30pm ah District Election Office hi an thleng a ni.
Polling Station tina vote tlak dan kimchang hi Press Release ah hian zeh (attached) a ni e
