No.140/2021-2022

Dated Serchhip, the 14th April, 2021: Vawiin hian 26 Serchhip (ST) Assembly Constituency Bye Election Nodal Officers te chu Returning Officer Pu Kumar Abhishek, IAS, District Election Officer hovin DC chamber ah an thukhawm a, vote thlak ni atana inbuatsaihna hrang hrangte an thlir ho.

Pu Kumar Abhishek, IAS chuan tun tum nodal officer meeting hi vote thlak ni thlen hmaa nodal officer meeting hnuhnung ber a nih tawh tur thu tarlangin office hrang hrang ten an chanvo an thawh tawh chin thlir hona a nih thu a sawi a. A bik takin vote thlak ni atana inbuatsaihna te sawi ho a ni. 

Meeting ah hian Booth Level Officer te training hnuhnung ber vawiina neih a nih thute, Web Casting neihna tura thlan Polling Station buatsaih chhoh dan te, Hourly report tluang taka kalpui a nih theih nana tul te, Polling Party tirhchhuah dan turte, Campaign tawp hun leh thupek umzui dan turte, leh Polling Party lo dawn sawn dan turte sawi a ni a. Naktuka Polling Party zawng zawng training hnuhnung ber kalpui dan turte leh randomisation neih zui dan turte pawh chipchiar taka sawi ho a ni.  Tin, Covid19 laka himna tura ruahmanna kalpuite pawh chipchiar taka sawiho a ni.

Tun tum bye election ah hian vote thlak tura kal zawng zawngte chu Face Mask vuah vek tura beisei an ni a, Polling Station ah kutkawr pek vek an ni anga, Thermal scanner a an temperature endik vek tur niin, Polling Station a duty te pawh PPE nena thuam vek tur an ni dawn a ni. Heng atana ruahmanna hrang hrangte pawh chipchiar takin meeting ah hian an sawi ho a ni.