No.139/2021-2022

Kolasib dated 14th April, 2021: Vawiin khan Kolasib Bawrhsap pisaah District Level Coordination Committee on African Swine Fever (ASF) and other Trans-boundary Animal Diseases (TADs) te chuan thutkhawmna neiin Vawk natna leng mek, African Swine Fever lak a Kolasib district-a vawkte an him theihna tur a hmalak dan tur an sawiho.

Dr. Engkunga Chhangte, DVO, Kolasib chuan nimin thleng khan ASF vangin Mizoramah vawk 690 chuang an thih tawh thu a tarlang a, a hlut zawng chhut chuan cheng nuai 60 chuang a nih thu a sawi. DVO chuan Kolasib khaw hrang hrangah ASF lak a inven dan tur inzirtirna kalpui a nih tawh thu leh kalpui chhunzawm a tul thu a sawi a, tun hnai a Kolasib district-a vawk damlo leh thi awm te chu ASF vei rinhlelhawm an la awm loh thu a sawi bawk a ni.

Thutkhawmnaah hian Kolasib district paltlang motor kawng ahte ngawrh zawk a vawk, a nung chung emaw a hring leh rep ang pawh a lakluh dapchhuah hna kalpui dan tur leh tihral dan turte, ASF vang a vawk damlo an awm palh a hmalak dan turte leh vawk thi sawngbawl dan turte sawiho a ni a. State pawn atanga sarep phur lut lui thin lirthei chung a hremna lekkawh a nih theih dan turte pawh sawi a ni.
Kolasib district-ah hian FOCUS in 2019-20 chhung a zirchianna an neih ah khan vawk 14,020 awm ang a chhinchhiah a ni.

Kolasib district chhung ah vawk dam lo, African Swine Fever (ASF) vei rinhlelhawm a awm a nih chuan a hnuai a hming leh phone number tarlan, Kolasib District Rapid Response Team-te hnenah hian hriattir vat tur a ni e.

Team Leader : Dr. Engkunga Chhangte, District A.H. & Vety. Officer, Kolasib. Contact No. 9436158850/8730978897

Members : 1. Dr. R. Zothanmawii, Chief Veterinary Officer, Kolasib. Contact No. 9612585094
2. Dr. Rebecca K. Lalhmangaihi, Veterinary Officer, Kolasib Contact No. 6009285163
3. Dr. Zohlimpuia, Veterinary Officer, Bairabi Contact No. 7005148162
4. Dr. K. Vanlalpeka, Veterinary Officer, Vairengte Contact No. 9612112112
5. H. Lalnuntluanga, VFA, Kolasib Contact No. 9862633959
6. Jimmy Lalhruaitluanga, VFA (FOCUS) Contact No. 6009052602