Vawiin khan 16th-19th March chhung awh tur 28th Mizoram Secondary School Games 2010 hawnna inkhawm chu Ramhlun Sports Complex-ah neih a ni a, School Education Minister Pu Lalsawta chu Khuallian a ni.
Secondary School Games hawnnaah Education Minister chuan sorkarin zirna enkawl nan cheng nuai 40,000 chuang a buatsaih thu sawiin sum heti zat sen a nih dawn avang leh zirtirtu pawh sing hnih chuang nei a nih avangin Education Department tan chuan Mizorama zirna tihhmasawn chu a tih makmawh a ni, a ti. Zirlaite tana ngaih pawimawh em em games & sports lamah pawh hmasawnna tam tak a awm zel a, school games buatsaih a nih theih zel chu zirlaite tan vanneihna a ni, a ti bawk. Minister chuan he Games-a tel zawng zawng te chu chibai bukin tluang leh hlawhtling taka inelna chi hrang hrang an neih theih nan duhsakna a hlan a ni.
He ni 4 awh tur 28th Mizoram Secondary School Games 2010-ah hian Mizoram district 7 (Lawngtlai tel lovin) an tel a. Aizawl atangin 146 (M-78, F-63, Zirtirtu-5), Champhai atangin 100 (M-54, F-39, Z-7), Kolasib 120 (M-65, F-47, Z-8), Lunglei 108 (M-50, F-51, Z-7), Mamit 80 (M-48, F-28, Z-4), Saiha 93 (M-54, F-32, Z-7), Serchhip 118 (M-64, F-47, Z-7) - an zavaiin mi 765 an ni. Inelna hi discipline 7-ah neih a ni ang a, chungte chu : Athletics, Badminton, Football, Hockey, Judo, Table Tennis leh Volleyball te a ni a. Techinical Committee-in ruahmanna a siam thin bak chu International Federation Rules hmanlai thar ber anga game zawng zawng te kalpui an ni ang.
He ni 4 awh tur 28th Mizoram Secondary School Games 2010-ah hian Mizoram district 7 (Lawngtlai tel lovin) an tel a. Aizawl atangin 146 (M-78, F-63, Zirtirtu-5), Champhai atangin 100 (M-54, F-39, Z-7), Kolasib 120 (M-65, F-47, Z-8), Lunglei 108 (M-50, F-51, Z-7), Mamit 80 (M-48, F-28, Z-4), Saiha 93 (M-54, F-32, Z-7), Serchhip 118 (M-64, F-47, Z-7) - an zavaiin mi 765 an ni. Inelna hi discipline 7-ah neih a ni ang a, chungte chu : Athletics, Badminton, Football, Hockey, Judo, Table Tennis leh Volleyball te a ni a. Techinical Committee-in ruahmanna a siam thin bak chu International Federation Rules hmanlai thar ber anga game zawng zawng te kalpui an ni ang.
