Vawiin khan Agriculture Department leh Doordarshan Kendra, Aizawl te tangkawpin Mass Media Support to Agriculture Extension hnuaia an buatsaih State Level Farmers’ Seminar chu Berawtlangah hman a ni.
He Seminar, Pu P.Bhattacharjee, Director of Agriculture ( Crop Husbandry ) kaihhruaiah hian Agriculture leh a kaihhnawih hnuaia loneitu te, huan siamtu te, ran vulhtu te, sangha khawitu te, pangang khawitu te leh mi dang thahnem tak Mizoram District tin atangin an tel a. Pu C.Lalrosanga, Director, Doordarshan Kendra, Aizawl leh Deputy Director General, All India Radio ni bawk chuan Seminar buatsaih a nih dan te, Agriculture leh a kaihhnawih department hrang hrang hnuaia miten an tangkaipui dan turte a sawi lang a, DDK, Aizawl leh FM Radio, Lunglei ten live-a hetiang programme an tihchhuahna hmasa ber a nih avangin a hlut bik ziate a sawi lang bawk.
He hun hmang tura lo kal, Mizoram hmun hrang hrang atanga kuthnathawktute chuan an harsatna hrang hrang te leh ei leh bar zawnna kawnga hmasawnna tur atana an thu hriat duh te chu zawtin Department hrang hranga mithiam ( expert ), Agriculture, Horticulture, Fisheries, A.H.& Vety, Sericulture, Forest, Minor Irrigation, Soil & Water Conservation Department ten an zawhna te an chhang nghal zel a ni.
He hun hmang tura lo kal, Mizoram hmun hrang hrang atanga kuthnathawktute chuan an harsatna hrang hrang te leh ei leh bar zawnna kawnga hmasawnna tur atana an thu hriat duh te chu zawtin Department hrang hranga mithiam ( expert ), Agriculture, Horticulture, Fisheries, A.H.& Vety, Sericulture, Forest, Minor Irrigation, Soil & Water Conservation Department ten an zawhna te an chhang nghal zel a ni.
