1345/2023-2025 

Hnahthial The 2nd August 2023: Vawiin chawhma khan DC Conference Hall Hnahthial-ah Addl. DC Pu Lalvenhima chuan 29-South Tuipui Assembly Constituency Draft Electoral Roll a tlangzarh.

Draft Roll tlangzarh inkhawmah hian  Pu Lalvenhima, Addl. DC chuan thu sawiin kumin inthlanpui  lo awm tur inbuatsaihna kal zelah special revision neih a nih tawh thu a sawi a. Ruahmanna angin vawiinah draft roll tarchhuah niin claims and objections te tih fel a nih hnuah final roll tlangzarh hun tur chu October ni-4 a ni dawn a ni a ti. Final roll tlangzarh a nih chuan MLA inthlan hun pawh puan chhunzawm a nih tawh mai a rin thu sawiin tun electoral roll chu kumin inthlanpui huna hman tur a nih thu a sawi bawk.

Draft Electoral Roll tlangzarh inkhawmah hian Election Officer Pu Lalbiakfela, Assistant Electoral Registration  Officer Pi Betty Lalrinfeli bakah BLO, Political Party aiawh leh Media-te an tel a ni.

29-South Tuipui Assembly Constituency huam chhunga polling station 27-ah vote nei thei mi 15,875 an awm a, an zingah hian mipa 7,857 leh hmeichhia 8,018 an awmin service voters 87 an awm a ni. Polling Station voter tamna ber chu 29/9 Hnahthial-IV niin voters 1197 an awm a, voter tlemna ber polling station chu 29/22 New Kawnpui niin voter 52 an awm bawk a ni. Vote nei thei punna tura ngaih hi 0.91% niin tarlan a ni.