1344/2023-2025 

Vawiin khan Minister Er. Lalrinawma, Tuikum Bialtu MLA chuan a bial chhung Rullam khua a tlawh a. Khawtlang hruaitute nen an khaw hmasawnna atana hmalak zel dan tur an sawiho.

Er. Lalrinawma chuan khawtlang hruaitu kalkhawmte hmaah thusawiin a bial chhung hmasawnna hna hrang hrang thawh mek leh thawh zawh tawh te chu neitu rilru puchunga enkawl thiam a pawimawh hle a nu, a ti. Bial chhung hmasawnna leh enkawl kawnga a ngaih pawimawh ber pathum te chu - Eizawnna, Hriselna leh Zirna a nih thu a sawi a.  “Ram leh khawtlang hmasawnna atana hna kan thawhna kawngah inlungrualna leh thawhhona tha kan neih chuan hmasawnna rahbi thar kan kai zel ang” Minister chuan a ti.

Covid-19 hripui leng chuan hmasawnna hnathawh kawngah eng emaw chen harsatna a thlen a, chutiang a nih laia bial mipuiten hriatthiamna rilru zau tak an lo pu chu lawmawm a tih thu Er.Lalrinawma chuan a sawi a. Bial mipuite nen tun thlenga bial a enkawlna kawngah boruak thalo awmlo a ram rawng an bawlho naah lawmthu sawiin hun lo kal leh zel turah pawh theihtawp chhuahpuia finchhuah zel turin a sawm a ni. 

Er. Lalrinawma chuan  khawtlang miputen duh leh mamawh hrang hrang a hnena an thlen te chu theihtawp chhuahpui a tum thu a sawi bawk a ni. 

Inkawmkhawmna hun hi VCP Pu VL Lawmkima’n a kaihruai a. YMA, MUP, MHIP, GSA, School zirtirtute telin khawtlang mamawh hrang hrang leh hmasawnna hnathawh dan tur te inpawh takin an sawiho a ni.