1343/2023-2025 

Aizawl, 02.08.2023: Vawiin chawhma khan Aizawl District Election Officer Pi Nazuk Kumar, DC Aizawl chuan Special Summary Revision of Photo Electoral Roll, 2023 neih tura Draft Electoral Roll, 2023 chu DC Conference Hall-ah a tlangzarh. District chhunga Electoral Registration Officer/ Assistant Electoral Registration Officer te, CYMA, MHIP leh MUP bakah Political Party aiawh te kalin, Draft Electoral Roll hi DC chuan party tin aiawhte hnenah an hlan nghal a ni.

DEO Pi Nazuk Kumar chuan election lo awm tura democracy – mipui sawrkarna chu chawinun a nih zel nan vote nei thei tawh phawt chu roll ah an hming thun vek tura hmalak a pawimawh thu a sawi a. Chumi atan chuan Second Special Summary Revision of Photo Electoral Rolls, 2023 chu tluang tak leh hlawhtling taka neih a nih theih nan ERO AERO leh BLO te, Local Council, V/C, Political Party hrang hrangte, tlawmngai pawl hrang hrangte leh Media te thanhnem ngai taka thawhpui turin a sawm a ni.

Meeting-ah hian Aizawl SP, Education Department leh Information & Public Relations Department aiawhte an tel bawk.

Special Summary Revision of Photo Electoral Roll, 2023 ah hian qualifying date chu October ni 1, 2023 a ni a, hemi ni a kum 18 tling hman tur India khua leh tui (citizen) dik takte tan Electoral Roll-a inthun dil theih a ni a, hemi rual hian siam that ngai siam, paih ngai paih leh insawn duhte siam fel theihna hun pawh hawn a ni a. Aizawl District-ah Assembly Constituency 12 a awm a, Dt 02.08.2023 atanga 31.08.2023 chhung hian hming thunluh ngai, paih ngai leh siamthat ngaite tan dilna hun hawn a ni ang. Heng dilna lutte hi ERO/AERO ten a hmunah kalin enfiahna neih a ni ang a. September ni 22, 2023 ral hmain Form lutte hi chinfel hman tur a ni. October 4, 2023 ah Final Roll chu publish a ni ang.

Tun tum Draft Photo Electoral Rolls-a Elector awmzat chu a vaiin mipa 1,31,867, hmeichhia 1,49,325, a vaiin 2,81,192 a ni.

Aizawl District chhunga Voter tlemna ber Polling Station chu 7-Tuivawl (ST) AC, 26-Chhanchhuahna Polling Station niin Voter 96 an awm a, Voter tamna ber chu 12-Aizawl North-Ill (ST) AC, 2-Edenthar-II Polling Station niin Voter 1398 an awm.

Aizawl District-ah Roll a chuang zawng zawngte EPIC issue vek an ni (EPIC 100% coverage)

Aizawl District huam chhunga Assembly Constituency 12-ah hian Polling Station 321 a awm a; average-a lakin Polling Station pakhat zelah Elector 876 awm ang an ni.

Aizawl District huam chhunga Assembly Constituency 12-ah hian Service Voter 1745 an awm bawk.

Second Special Summary Revision of Photo Electoral Rolls, 2023 hi tluang tak leh hlawhtling taka kan neih theih nan,ERO AERO leh BLO, Local Council, V/C, Political Parties, tlawmngai pawl hrang hrangte leh Media te thanhnem ngai taka min thawhpui turin a sawm a ni.

Election Commission of India-in ruahmanna a rawn siam angin, mi tupawh Draft Electoral Rolls hi lei duh chuan a soft copy (without photo) Rs. 100/-in leh a hard copy phek 1 Rs. 5/- zelin lei theih a ni. Amaherawhchu hard copy lei duhte chuan sawi lawk hmasak tur a ni a. A phek duh lai chauh lei theih a ni lo.