Vawiin chawhnu khan Mizoram State Road Safety Council Sub-Committee chu Transport Secretary  Pu HL Rochungnunga, IAS pisa-ah an thukhawm.

Meeting-ah hian February Ni 12-18, 2018 chhunga Road Safety Week hman dan tur te, February Ni 12 (Opening Day) programme tur te rel niin  Chief Minister, Pu Lal Thanhawla chu Khuallian ni se tih leh Khualzahawm atan Transport Minister Pu John Rotluangliana ni se tiin rel a ni a. Hawnna programme hi Assembly Annexe-ah hman tura rel niin he huna tel tur hian lirthei kaihhnawih pawl hrang hrang hruaitute a bikin  2-Wheeler Taxi Association hruaitute chu kal ngei tura sawm ni se tiin rel a ni a. Hawnna programme-ah leh sawrkar pisa hrang hrang bakah college tinah  Road Safety chungchanga  thutiamna hun (pledge taking) neih ni se tiin rel a ni a. Driver-te tan Free Medical Check-up neih tura ruahmanna siam a ni bawk a ni.

Meeting-ah hian Transport Department, I&PR Department, H&FW Department hotute leh Aizawl Traffic SP an tel a ni.