Vawiin hian N. Vanlaiphai Lersia Hall ah Minister of State for Sericulture, Pi Vanlalawmpuii Chawngthu, bialtu MLA ni bawk chuan NLUP Horticulture Trade hnuaia Serthlum thlangtute hnenah 3^rd Phase & 4^th Phase tanpuina a sem.

Thusawiin Pi Vanlalawmpuii Chawngthu chuan, sawkar chuan a ruahmanna angin NLUP tanpuina a sem chho zel a, a hlawhtlinnaah a dawngtuten mawhphurhna thuk tak neiin, an tanpuina dawn te a nihna tur ang takin tangkai takin hmang se a duh thu a sawi a. Rim taka thawka, taima taka beitute an hlawhtlin thin thu sawiin, kuthnathawhah chauh nilovin nun kawng tinrengah a thawkrim apiang an hlawhtling zel thin a ni, a ti a. Horticulture Department ten theih tawp chhuaha NLUP leh Programme danga hma an lakna fakin an thawhrimnaah lawmthu a sawi  ani.

Vawiina N. Vanlaiphaia NLUP tanpuina dawngtute hi NLUP 3^rd & 4th Phase hnuaia Serthlum thlangtu, N. Vanlaiphai leh a chhehvel khua a mite an ni a, 3^rd Phase atangin N. Vanlaiphai a mi chhungkaw 45, Bawktlang a mi chhungkaw 8, Lungkawlh a mi 13, Sialsir 7 leh Chekawn 1, an vaiin chhungkaw 87 te hnenah niin hemi atana sum semchhuah hi a vaiin Rs. 34.38 Lakh a ni a, 4^th Phase atangin N. Vanlaiphaia mi chhungkaw 32,Bawktlang chhungkaw 5, Lungkawlh chhungkaw 3, Lungchhuan chhungkaw 10, Sialsir chhungkaw 6 leh Chekawn a mi chhungkaw 2 te hnenah semin a vaia semchhuah hi Rs. 22.96 Lakh a ni a. 3^rd & 4^th Phase atanga vawiina semchhuah zawng zawng hi Rs. 57.34 Lakh a ni.

Vawiina N. Vanlaiphaia NLUP semna inkhawm hi Pi. Margaret Vanlalzami, DHO Serchhip chuan a kaihruaia, Pi Lucy Zaithangpuii, HDO chuan Technical Report pein Pu PC. Lalnghinglova, Lungchhuan chuan NLUP dawngtute aiawhin thusawina hun a hmang a, Pi Lalnghahsangin, CHO, N, Vanlaiphai Circle in lawmthu sawina hun hmangin a khar a ni.