3678/2024-2025

Dated Hnahthial, the 6th January, 2025: Vawiin chawhma dar 11:00 khan DC Meeting Hall, Hnahthial-ah 29th South Tuipui Assembly Constituency huam chhunga Final Electoral Roll chu Electoral Registration Officer (ERO), Pu Zothanmawia Khiangte, Addl. DC ni bawk chuan a tlangzarh.

Final Electoral Roll tlangzarhtu, Electoral Registration Officer, Pu Zothanmawia Khiangte, Addl. DC chuan Booth Level Officer (BLO) leh Political Party te thawhpuina zarah 29th South Tuipui Assembly Constituency Final Electoral Roll felfai leh dik tak tlangzarh a ni leh thei ta chu lawmawm a tih thu a sawi a. Election Officer, Pi Esther Leihang pawhin Roll an buaipui dan report pein Political Party aiawhte hnenah roll tlangzarh tak copy hi a hlan nghal a ni.

29th South Tuipui Assembly Constituency huam chhunga Final Electoral Roll tlangzarh takah hian Polling Station 27 awmin vote nei thei mi 16,511 an awm a, an zingah hian Hmeichhia 8,325; Mipa 8,111 leh Service Voters sawm 75 an awm a. Polling Staion vote nei tamna ber chu 29/9 Hnahthial-IV niin vote nei mi 1,217 an awm. Vote tlemna ber chu 29/23 New Kawnpui niin vote nei mi 58 an awm a ni. Vote nei thei punna hi 0.98% a ni.

29th South Tuipui Assembly Constituency huam chhunga Final Electoral Roll tlangzarhna hunah hian Hnahthial District Election Office thawktute, Booth Level Officer (BLO) te, Political Party aiawh te leh thuthar lakhawmtute an tel a ni.

ECI 2025.pdf