Information & Public Relations Department  huaihawt a Press Tour thuanghnihna a kalte vawiin khan Delhi atangin tluang takin Aizawl an lo thleng.

 

 

He Press Tour Batch hnihna ah hian an hruaitu Pu Lalsiama Fambawl, IPRO bakah  chanchinbu mi panga Pu Zonunsanga Khiangte, MJA  General Secretary,  Pu PB.Lalrammawia, The Aizawl Post; Pu T.Lalengmawia, Aizawl Thupuan; Pu Lalremruata Ralte  Ramlai Arsi,Serchhip; Pu TC.Lungtiawia , Lentupui Mamit te an ni.

Heng chanchinbu mite hian Kolkata, Mumbai, Goa, Delhi leh Agra a hmun pawimawh tak takte an tlawh a. Mumbai-ah Mizoram House a damlote inkhawmnaah an telpui a, damlote kan nan Welfare Committee ah an sum thawhkhawm atangin cheng sangthum za   an hlan bawk.

Goa ah hian Chief Secretary Pu Haukhum Hauzel in Circuit House ah thlenna lo ruahman sakin zanriah tuihnai tak a lo buatsaih sak a, an lawm hle a ni. Pu Haukhum Hauzel hian hmun pawimawh an tlawhna tur pawh a lo ruahman sak hlawm a Chanchinbu mite hian vannei an in ti hle a ni. Delhi an cham chhungin Indira Gandhi Museum leh hmun pawimawh hrang hrang an fangkual a bawk.

Heng chanchinbumite hian an zin chhung hian Mizoram tana tangkai tur leh hman ve nghal theih tur a an hriat hmun hrang hrang amite a hmunah an zir chiang zel a ni. An zin chhung hian hmun hrang hranga Mizo awmte a bik takin Mumbai a Pu Lalthuamliana te leh  Mizoram House Kolkata leh Delhi LO leh Staff ten duat taka an lo dawnsawnnaah lawmthu an sawi a ni.