Vawiin khan 2nd Bn. MAP chuan an Headqyarters Luangmual-ah DIG(Southern Range) Pu L.H. Shanliana kalchhuak tur thlahna 'Vidhay Parade' an nei a, DIG (SR) chuan Full Company Parade nen amah an thlahna chungah lawmthu a sawi a ni.

DIG(SR) Pu L.H. Shanliana chuan a awmchhungin Lunglei, Lawngtlai leh Saiha District Outpost zawng zawng a fanchhuak hman a, an dinhmun hriat vek a duh laiin furin a tlakbuak avangin Saiha District chhung erawh a fangchhuak zo thei ta lo chu pawi a tih thu a sawi a. Thingkah-ah IR Battalion hmun tur Cheng Nuai 2800 chuanga hmalak mek a nih chu a lawmawm hle a ni, a ti bawk. Dan leh thupek kenkawhna kawngah thawhhona tha a pawimawh thu sawiin mahni thawhpuite thlavang hauh thiam turin DIG chuan a chah a ni. 2nd Bn. MAP Commandant Pu C.Lalruaia chuan an Battalion aiawhin DIG(SR) hi thlahna ngaihhrui a hlan bawk a ni.